ഏഷ്യാ കപ്പില്‍ സഞ്ജു വിക്കറ്റ് കീപ്പര്‍

മുംബൈ:ഏഷ്യാ കപ്പ് ക്രിക്കറ്റിനുള്ള ഇന്ത്യന്‍ ടീമിനെ പ്രഖ്യാപിച്ചു. സൂര്യകുമാര്‍ യാദവ് നയിക്കുന്ന ടീമില്‍ മലയാളി താരം സഞ്ജു സാംസണ്‍ പ്രധാന വിക്കറ്റ് കീപ്പറായി കളിക്കും. ശുഭ്മന്‍ ഗില്‍ വൈസ് ക്യാപ്റ്റനായി ടീമിലെത്തി. വാര്‍ത്താ സമ്മേളനത്തില്‍ ക്യാപ്റ്റന്‍ സൂര്യകുമാര്‍ യാദവും ബിസിസിഐ സിലക്ഷന്‍ കമ്മിറ്റി ചെയര്‍മാന്‍ അജിത് അഗാര്‍ക്കറും പങ്കെടുത്തു.

ചൊവ്വാഴ്ച ഉച്ചയ്ക്ക് 1.30ന് ടീം പ്രഖ്യാപിക്കുമെന്ന് അറിയിച്ചിരുന്നെങ്കിലും മൂന്നു മണിയോടെയാണ് വാര്‍ത്താ സമ്മേളനം തുടങ്ങിയത്. മുംബൈയിലെ കനത്ത മഴ കാരണം ബിസിസിഐ പ്രതിനിധികളില്‍ പലരും വൈകിയാണ് ബിസിസിഐ ആസ്ഥാനത്തെത്തിയത്. യശസ്വി ജയ്‌സ്വാളിനെയും ശ്രേയസ് അയ്യരെയും ടീമില്‍നിന്ന് ഒഴിവാക്കി.

ഏഷ്യാ കപ്പിനുള്ള ഇന്ത്യന്‍ ടീം ശുഭ്മന്‍ ഗില്‍ (വൈസ് ക്യാപ്റ്റന്‍), അഭിഷേക് ശര്‍മ, സഞ്ജു സാംസണ്‍ (വിക്കറ്റ് കീപ്പര്‍), തിലക് വര്‍മ, ഹാര്‍ദിക് പാണ്ഡ്യ, റിങ്കു സിങ്, ശിവം ദുബെ, ഹര്‍ഷിത് റാണ, അക്ഷര്‍ പട്ടേല്‍, ജിതേഷ് ശര്‍മ, ജസ്പ്രീത് ബുമ്ര, അര്‍ഷ്ദീപ് സിങ്, വരുണ്‍ ചക്രവര്‍ത്തി, കുല്‍ദീപ് യാദവ്.

ഓപ്പണറും പ്രധാന വിക്കറ്റ് കീപ്പറുമായി മലയാളി താരം സഞ്ജു സാംസണെയാണ് ഭോഗ്ലെ കഴിഞ്ഞ ദിവസം നിര്‍ദ്ദേസിച്ചത്.ടി20 ബാറ്റിങ് റാങ്കിങ്ങില്‍ ഒന്നാം സ്ഥാനത്തുള്ള അഭിഷേക് ശര്‍മ, സൂര്യകുമാര്‍ യാദവ്, തിലക് വര്‍മ, ശ്രേയസ് അയ്യര്‍ എന്നിവരാണ് ഹര്‍ഷ ഭോഗ്ലെ നിര്‍ദേശിച്ച ഇന്ത്യന്‍ ടീമിന്റെ ബാറ്റര്‍മാര്‍. വിക്കറ്റ് കീപ്പര്‍മാരായി രണ്ട് പേരെയാണ് ഭോഗ്ലെ തന്റെ ടീമില്‍ ഉള്‍പ്പെടുത്തിയിരിക്കുന്നത്. പ്രധാന കീപ്പറായി സഞ്ജു സാംസണ്‍ എത്തുമ്പോള്‍ ബാക്കപ്പ് കീപ്പറായി ജിതേഷ് ശര്‍മയെയാണ് ഭോഗ്ലെ തിരഞ്ഞെടുത്തത്.

ഹാര്‍ദിക് പാണ്ഡ്യ, അക്സര്‍ പട്ടേല്‍, വാഷിങ്ടണ്‍ സുന്ദര്‍ എന്നീ മൂന്ന് ഓള്‍റൗണ്ടര്‍മാരെയാണ് ഹര്‍ഷ ഭോഗ്ലെയുടെ തന്റെ ടീമില്‍ ഉള്‍പ്പെടുത്തിയത്. ആറ് സ്പെഷ്യലിസ്റ്റ് ബൗളര്‍മാരെയാണ് ഈ ടീമില്‍ ഹര്‍ഷ ഭോഗ്ലെ ഉള്‍പ്പെടുത്തിയിരിക്കുന്നത്. ബൗളിംഗ് നിരയില്‍ ജസ്പ്രീത് ബുംറയ്ക്ക് ഭോഗ്ലെ ഇടംനല്‍കിയെന്നതാണ് ഏറ്റവും ശ്രദ്ധേയം.

അതേസമയം ഇംഗ്ലണ്ടില്‍ തിളങ്ങിയ മുഹമ്മദ് സിറാജിന് ഭോഗ്ലെ ടീമില്‍ ഇടം നല്‍കിയിട്ടില്ല. പ്രസിദ്ധ് കൃഷ്ണയും അര്‍ഷ്ദീപ് സിങ്ങുമാണ് പേസ് നിരയിലെ മറ്റ് താരങ്ങള്‍. വരുണ്‍ ചക്രവര്‍ത്തി, രവി ബിഷ്ണോയ്, കുല്‍ദീപ് യാദവ് എന്നിവരാണ് സ്പിന്‍ നിരയിലെ താരങ്ങള്‍.