ഓസ്‌ട്രേലിയൻ ആരാധകർ സിറാജിനെ കൂകി വിളിച്ചു

അഡ്‌ലെയ്ഡ്: ഇന്ത്യ ഓസീസ് മൂന്നാം ടെസ്റ്റിന് ഗാബ സ്റ്റേഡിയത്തിൽ തുടക്കമായി.എന്നാൽ  ഇന്ത്യൻ പേസർ മുഹമ്മദ് സിറാജിന്  ഓസ്‌ട്രേലിയൻ ആരാധകർക്കിടയിൽ വില്ലൻ പ്രതിച്ഛായയാണ് ഉണ്ടായിരിക്കുന്നത്.
മത്സരത്തിനിടെ മുഹമ്മദ് സിറാജ് ബൗൾ ചെയ്യാനെത്തിയപ്പോൾ  ഓസ്‌ട്രേലിയൻ ആരാധകർ അദ്ദേഹത്തിനെതിരെ ആക്രോശിച്ചു.കഴിഞ്ഞ മത്സരത്തിൽ ട്രാവിസ് ഹെഡുമായി ഏറ്റുമുട്ടിയതാണ് ഇതിനു കാരണം.അഡ്‌ലെയ്ഡ് സ്റ്റേഡിയത്തിലാണ് പരമ്പരയിലെ രണ്ടാം ടെസ്റ്റ് നടന്നത്.ആ മത്സരത്തിനിടെ ഓസ്‌ട്രേലിയൻ താരം ട്രാവിസ് ഹെഡും മുഹമ്മദ് സിറാജും തമ്മിൽ ചെറിയ തോതിൽ വാക്കേറ്റമുണ്ടായി.ഇതിന് ശേഷം നടന്ന വാർത്താ സമ്മേളനത്തിൽ ട്രാവിസ് ഹെഡ് മുഹമ്മദ് സിറാജിനെ കുറ്റപ്പെടുത്തുകയും ചെയ്തിരുന്നു.

ഇതിന് മറുപടിയായി ട്രാവിസ് ഹെഡ് കള്ളം പറയുകയാണെന്ന് മുഹമ്മദ് സിറാജ് അവകാശപ്പെട്ടു.ഈ വിഷയം ഇന്ത്യ,ഓസീസ് ക്രിക്കറ്റ് വൃത്തങ്ങളിൽ വലിയ  രീതിയിലുള്ള  കോളിളക്കം സൃഷ്ടിച്ചു.ഇതോടെ ഇരുവർക്കും അന്താരാഷ്ട്ര ക്രിക്കറ്റ് കൗൺസിൽ പിഴയും ചുമത്തി.സംഭവം ഓസ്‌ട്രേലിയൻ മാധ്യമങ്ങളിലും ഓസ്‌ട്രേലിയൻ ആരാധകർക്കിടയിലും മുഹമ്മദ് സിറാജിനെതിരെ പ്രതിഷേധത്തിന് കാരണമായി. പ്രതീക്ഷിച്ചത് പോലെ തന്നെ മൂന്നാം ടെസ്റ്റിൽ ബൗൾ ചെയ്യാൻ ഇറങ്ങിയ മുഹമ്മദ് സിറാജിനെതിരെ ഓസീസ് ആരാധകർ കൂക്കിവിളിച്ചു. ഈ  സാഹചര്യത്തിൽ  സിറാജ് ഏതാനും നിമിഷങ്ങൾ മൈതാനത്ത് സ്തംഭിച്ചു നിന്നു.അതുകൊണ്ട് തന്നെ മത്സരത്തിൽ ആവേശം വളരെ കുറവായിരുന്നു.   

അഞ്ച് മത്സരങ്ങളുടെ ടെസ്റ്റ് പരമ്പരയ്ക്കായാണ് ഇന്ത്യ  ഓസ്‌ട്രേലിയയിൽ പര്യടനം നടത്തുന്നത്.പരമ്പരയിലെ മൂന്നാം ടെസ്റ്റിൽ ടോസ് നേടിയ ഇന്ത്യ ബൗളിംഗ് തിരഞ്ഞെടുക്കുകയായിരുന്നു. ഇനിയൊരിക്കൽ  കൂടി മുഹമ്മദ് സിറാജ് എന്തെങ്കിലും വിവാദങ്ങളിൽ അകപ്പെട്ടാൽ, ഓസ്‌ട്രേലിയൻ ആരാധകർ അദ്ദേഹത്തിനെതിരെ പ്രതിഷേധം  ശക്തമാക്കുമെന്ന  കാര്യത്തിൽ  സംശയമില്ല. എന്നാൽ  മൂന്നാം ടെസ്റ്റിൻ്റെ ആദ്യ ദിനത്തെ മഴ  ബാധിച്ചതിനാൽ സിറാജിനെതിരായ എതിർപ്പിന്  കാര്യമായ സ്വാധീനം ചെലുത്താനായില്ല.