ഓസ്‌ട്രേലിയന്‍ ഓപ്പണ്‍; മൂന്നാം റൗണ്ടിലേക്ക്  മുന്നേറി അല്‍കരാസ്

2008 ല്‍ നൊവാക് ജോക്കോവിച്ചിനു ശേഷം ഓസ്ട്രേലിയന്‍ ഓപ്പണിലെ ഏറ്റവും പ്രായം കുറഞ്ഞ പുരുഷ വിജയിയാകാന്‍ ആണ്‌. അല്‍കരാസ് ലക്ഷ്യമിടുന്നത്.

author-image
Athira Kalarikkal
New Update
alcaraz.

കാര്‍ലോസ് അല്‍കരാസ് മത്സരത്തിനിടെ

മെല്‍ബണ്‍: നാലു തവണ ഗ്രാന്‍ഡ് സ്ലാം ചാമ്പ്യനായ കാര്‍ലോസ് അല്‍കരാസ് തന്റെ മികച്ച ഫോം തുടരുന്നു. ഇന്ന് ജപ്പാന്റെ യോഷിഹിതോ നിഷിയോകയെ 6-0, 6-1, 6-4 എന്ന സ്‌കോറിന് നേരിട്ടുള്ള സെറ്റുകള്‍ക്ക് പരാജയപ്പെടുത്തിയ അല്‍കരാസ്, ഓസ്ട്രേലിയന്‍ ഓപ്പണിന്റെ മൂന്നാം റൗണ്ടിലേക്ക് മുന്നേറി. 21 കാരനായ സ്പാനിഷ് താരം വെറും 81 മിനിറ്റിനുള്ളില്‍ മത്സരം പൂര്‍ത്തിയാക്കി.

 2008 ല്‍ നൊവാക് ജോക്കോവിച്ചിനു ശേഷം ഓസ്ട്രേലിയന്‍ ഓപ്പണിലെ ഏറ്റവും പ്രായം കുറഞ്ഞ പുരുഷ വിജയിയാകാന്‍ ആണ്‌. അല്‍കരാസ് ലക്ഷ്യമിടുന്നത്. ആദ്യ സെറ്റില്‍ അല്‍കരാസ് അനായാസം നിഷിയോകയെ മറികടന്നു, ജാപ്പനീസ് കളിക്കാരന് നാല് പോയിന്റുകള്‍ മാത്രം നേടാനെ അല്‍കാരസ് അനുവദിച്ചുള്ളൂ.

 രണ്ടാം സെറ്റില്‍ തന്റെ ആദ്യ സെര്‍വ് പോയിന്റുകളുടെ 91%വും നേടി അദ്ദേഹം ശക്തമായ സെര്‍വിലൂടെ ആധിപത്യം തുടര്‍ന്നു. മൂന്നാം സെറ്റില്‍ ചില ചെറുത്തുനില്‍പ്പുകള്‍ ഉണ്ടായിരുന്നിട്ടും, സ്പാനിഷ് താരം സുഖകരമായി വിജയം ഉറപ്പിച്ചു.

 

australian open carlos alcaraz