/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/01/02/hiO6Yleprx0M2CqlOuc7.JPG)
R.Vaishali
ലോക ബ്ലിറ്റ്സ് ചെസ് ചാംപ്യന്ഷിപ് വനിതാ വിഭാഗത്തില് ഇന്ത്യന് ഗ്രാന്ഡ് മാസ്റ്റര് ആര്.വൈശാലി വെങ്കലം നേടി. ക്വാര്ട്ടര് ഫൈനലില് ചൈനയുടെ ഷു ജിനറെ തോല്പിച്ച വൈശാലി സെമിയില് ചൈനയുടെ തന്നെ ജു വെന്ജുനു മുന്നിലാണ് പരാജയപ്പെട്ടത്. ജു വെന്ജുന് തന്നെയാണ് ചാംപ്യനായത്. ചൈനീസ് താരങ്ങള് ആധിപത്യം പുലര്ത്തിയ ചാംപ്യന്ഷിപ്പിന്റെ ഫൈനലില് സഹതാരം ലെയ് ടിങ്ജിയെയാണ് ജു തോല്പിച്ചത്.
നേരത്തേ, റാപ്പിഡ് ചാംപ്യന്ഷിപ് വനിതാ വിഭാഗത്തില് ഇന്ത്യന് താരം കൊനേരു ഹംപി ചാംപ്യനായിരുന്നു.കഴിഞ്ഞ ചെസ് ഒളിംപ്യാഡില് സ്വര്ണം നേടിയ ഇന്ത്യന് വനിതാ ടീമില് അംഗമായിരുന്ന ഇരുപത്തിമൂന്നുകാരി വൈശാലി 2020ല് ഫിഡെ ഓണ്ലൈന് ഒളിംപ്യാഡില് സ്വര്ണം നേടിയ ടീമിലുമുണ്ടായിരുന്നു. 2012ലും 2015ലും ലോക യൂത്ത് ചെസ് ചാംപ്യന്ഷിപ്പിലും ജേതാവായി. ഗ്രാന്ഡ് മാസ്റ്റര് ആര്.പ്രഗ്നാനന്ദ സഹോദരനാണ്.