/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/02/19/5O8jBjhu8sl8iz2H8Heo.jpg)
കറാച്ചി:ചാമ്പ്യന്‍സ് ട്രോഫിയിലെ ഉദ്ഘാടന മത്സരത്തില്‍ ന്യൂസിലന്‍ഡിനെരെ ടോസ് നേടിയ പാകിസ്ഥാന് ഫീല്‍ഡിംഗ് തെരഞ്ഞെടുത്തു. രാത്രിയിലെ മഞ്ഞുവീഴ്ച രണ്ടാമത് ബൗള്‍ ചെയ്യുന്ന ടീമിന് പ്രശ്‌നമാകാനിടയുള്ളതിനാലാണ് ടോസ് നേടിയ പാകിസ്ഥാന് ഫീല്‍ഡിംഗ് തെരഞ്ഞെടുത്തത്.
പരിക്കുമൂലം ത്രിരാഷ്ട്ര പരമ്പരയില്‍ പുറത്തിരുന്ന പേസര്‍ ഹാരിസ് റൗഫ് പാക് ടീമില്‍ തിരിച്ചെത്തിയപ്പോള്‍ സ്പിന്നര്‍ മിച്ചല്‍ സാന്റ്‌നര്‍ നയിക്കുന്ന ന്യൂസിലന്‍ഡ് ടീമില്‍ രചിന്‍ രവീന്ദ്രയില്ല. പരിക്കേറ്റ് പുറത്തായ ലോക്കി ഫെര്‍ഗ്യൂസന് പകരം മാറ്റ് ഹെന്റിയും കിവീസിന്റെ പ്ലേയിംഗ് ഇലവനിലെത്തി.
നീണ്ട 29 വര്‍ഷത്തിന് ശേഷമാണ് പാകിസ്ഥാന് ഒരു ഐസിസി ടൂര്‍ണമെന്റിന് വേദിയാവുന്നത്. ത്രിരാഷ്ട്ര പരമ്പരയില്‍ ഗ്രൂപ്പ് ഘട്ടത്തിലും ഫൈനലിലും ന്യൂസീലന്‍ഡിന് മുന്നില്‍ അടിയറവ് പറഞ്ഞ നിലവിലെ ചാമ്പ്യന്‍മാരായ പാകിസ്ഥാന് ഇന്ന് ജയിച്ച് തുടങ്ങേണ്ടത് അഭിമാനപ്രശ്‌നമാണ്.
റണ്ണൊഴുകുന്ന കറാച്ചിയില്‍ കെയ്ന്‍ വില്യംസണ്‍, ഡെവോണ്‍ കോണ്‍വേ, ഡാരില്‍ മിച്ചല്‍, ടോം ലാഥം എന്നിവരുടെ ബാറ്റിംഗ് പ്രകടനം നിര്‍ണായകമാവും. ചാമ്പ്യന്‍സ് ട്രോഫിയില്‍ ഇരു ടീമും ഇതിന് മുന്‍പ് ഏറ്റുമുട്ടിയ മൂന്ന് മത്സരങ്ങളിലും ജയം ന്യൂസിലന്‍ഡിനൊപ്പമായിരുന്നു.
ന്യൂസിലന്‍ഡ് പ്ലേയിംഗ് ഇലവന്‍: ഡെവണ്‍ കോണ്‍വേ, വില്‍ യംഗ്, കെയ്ന്‍ വില്യംസണ്‍, ഡാരില്‍ മിച്ചല്‍, ടോം ലാഥം, ഗ്ലെന്‍ ഫിലിപ്സ്, മൈക്കല്‍ ബ്രേസ്വെല്‍, മിച്ചല്‍ സാന്റ്‌നര്‍ (ക്യാപ്റ്റന്‍), നഥാന്‍ സ്മിത്ത്, മാറ്റ് ഹെന്റി, വില്യം ഒറോര്‍ക്കെ.
പാകിസ്ഥാന് പ്ലേയിംഗ് ഇലവന്‍: ഫഖര്‍ സമന്‍, ബാബര്‍ അസം, സൗദ് ഷക്കീല്‍, മുഹമ്മദ് റിസ്വാന്‍(ക്യാപ്റ്റന്‍), ആഘ സല്‍മാന്‍, തയ്യബ് താഹിര്‍, ഖുശ്ദില്‍ ഷാ, ഷഹീന്‍ അഫ്രീദി, നസീം ഷാ, ഹാരിസ് റൗഫ്, അബ്രാര്‍ അഹമ്മദ്.