/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/08/16/mi9nnju-2025-08-16-12-11-35.jpg)
ബ്രിസ്‌ബെയ്ന്‍: ഓസ്‌ട്രേലിയന്‍ വനിതാ എ ടീമിനെതിരായ രണ്ടാം ഏകദിനത്തില്‍ ഇന്ത്യ എ ടീമിന് രണ്ടു വിക്കറ്റിന്റെ ആവേശ വിജയം. ആദ്യം ബാറ്റ് ചെയ്ത ഓസ്‌ട്രേലിയ അലിസ ഹീലിയുടെ അര്‍ധ സെഞ്ചറിയുടെ (91) ബലത്തില്‍ 50 ഓവറില്‍ 9 വിക്കറ്റ് നഷ്ടത്തില്‍ 265 റണ്‍സ് നേടി. 10 ഓവറില്‍ 46 റണ്‍സ് വഴങ്ങി 3 വിക്കറ്റ് വീഴ്ത്തിയ മലയാളി താരം മിന്നു മണി ബോളിങ്ങില്‍ തിളങ്ങി.
മറുപടി ബാറ്റിങ്ങില്‍ യാത്സിക ഭാട്യ (66), രാധ യാദവ് (60), തനുജ കന്‍വാര്‍ (50) എന്നിവരുടെ അര്‍ധ സെഞ്ചറിക്കരുത്തില്‍ 49.5 ഓവറില്‍ 8 വിക്കറ്റ് നഷ്ടത്തില്‍ ഇന്ത്യന്‍ വനിതകള്‍ ലക്ഷ്യം കണ്ടു. ഇതോടെ 3 മത്സര പരമ്പര ഇന്ത്യ 20ന് സ്വന്തമാക്കി. ആദ്യ മത്സരത്തില്‍ മിന്നു മണി രണ്ടു വിക്കറ്റുകള്‍ വീഴ്ത്തിയിരുന്നു.
ആദ്യ മത്സരം ഇന്ത്യ എ 3 വിക്കറ്റിന് ജയിച്ചിരുന്നു. നാളെയാണ് പരമ്പരയിലെ അവസാന മത്സരം. സ്‌കോര്‍: ഓസ്‌ട്രേലിയ എ 50 ഓവറില്‍ 9ന് 265 (ഹീലി 91, കിം ഗാര്‍ത് 41*, മിന്നു മണി 346). ഇന്ത്യ എ 49.5 ഓവറില്‍ 8ന് 266 (യാത്സിക 66, രാധ 60, എമി 255).