/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/05/19/w3UxVNnTC4cD6Aq6IZMf.JPG)
മുംബൈ : ക്രിക്കറ്റില്‍ പാക്കിസ്ഥാനെ ഒറ്റപ്പെടുത്താന്‍ ഇന്ത്യയുടെ നീക്കം . ഏഷ്യാ കപ്പില്‍നിന്ന് ഇന്ത്യ പിന്‍മാറും .ഈ വര്‍ഷം ആധിഥേയരാകേണ്ട ടൂര്‍ണമെന്റില്‍ നിന്നാണ് പിന്‍മാറ്റത്തിനൊരുക്കം.ഈ നീക്കത്തോടെ വാശിയേറിയ ഇന്ത്യ-പാക്കിസ്ഥാന്‍ മത്സരവും ഇല്ലാതാകും.ലോകത്ത് ഏറ്റവും അധികം പ്രേക്ഷകരുളള മത്സരമാണ് ഇന്ത്യ-പാക് മത്സരങ്ങള്‍.മൊഹ്‌സിന്‍ ലഖ്വിയാണ് ഏഷ്യന്‍ ക്രിക്കറ്റ് കൗണ്‍സിലിന്റെ തലവന്‍ , അദ്ദേഹം പാക്കിസ്ഥാന്‍ ക്രിക്കറ്റ് അസോസിയേഷന്റെ ചെയര്‍മാനാണ്.ജയ്ഷാ രാജ്യാന്തര ക്രിക്കറ്റ് തലവനായപ്പോള്‍ ആ ഒഴിവിലേക്കാണ് ലഖ്വി വന്നത്. ഇന്ത്യ ടൂര്‍ണമെന്റില്‍നിന്ന് പിന്‍മാറിയാല്‍ ഏഷ്യാ കപ്പിനെ തന്നെ അതു ബാധിക്കും.ടൂര്‍ണമെന്റിന് കൂടുതല്‍ കാഴ്ചക്കാരും സ്‌പോണ്‍സര്‍മാരും ഉളളത് ഇന്ത്യയില്‍ നിന്നാണ് . കോടിക്കണക്കിനു രുപയുടെ നഷ്ടമായിരിക്കും ഇതിലൂടെ ഏഷ്യന്‍ ക്രിക്കറ്റ് കൗണ്‍സിലിനു നേരിടേണ്ടി വരുക. ഇന്ത്യയുടെ പിന്‍മാറ്റത്തിലൂടെ പാക്കിസ്ഥാന്‍ ഉള്‍പ്പടെ നിരവധി ടീമുകളുടെ വരുമാനം നഷ്ടത്തിലാകും .പാക്കിസ്ഥാനിലെ ഒരു മന്ത്രി നടത്തുന്ന എസിസി നടത്തുന്ന ടൂര്‍ണമെന്റ് കളിക്കാന്‍ ഇന്ത്യ താത്പര്യപ്പെടുത്തില്ല.ഏഷ്യാകപ്പില്‍ നിലവില്‍ ചാമ്പ്യന്‍മാരാണ് ഇന്ത്യ.