/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/5sfDTxwPsomzzALZhLc2.jpeg)
കാന്പുര്: ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില് ടോസ് നേടിയ ഇന്ത്യ ഫീല്ഡിങ് തിരഞ്ഞെടുത്തു. ഇന്ത്യന് ടീമില് മാറ്റമൊന്നുമില്ല. ഉത്തര്പ്രദേശിലെ കാന്പുര് ഗ്രീക്ക് പാര്ക്ക് സ്റ്റേഡിയത്തിലെ ഔട്ട്ഫീല്ഡിലെ നനവ് കാരണം മത്സരം വൈകുകയായിരുന്നു. 10.30-ന് മത്സരം ആരംഭിക്കും.
വ്യാഴാഴ്ച രാത്രി ഇവിടെ ശക്തമായ മഴയുണ്ടായിരുന്നു. ഗ്രൗണ്ട് മുഴുവന് ഈ സമയം മൂടിയിട്ടിരുന്നു. രാവിലെ ഔട്ട്ഫീല്ഡിലെ ഈര്പ്പം നീക്കാനുള്ള ശ്രമത്തിലായിരുന്നു ഗ്രൗണ്ട് സ്റ്റാഫ്. രാവിലെ 9.30-ന് ആരംഭിക്കേണ്ട മത്സരമാണ് വൈകിയത്. അമ്പയര്മാരായ ക്രിസ് ബ്രൗണും റിച്ചാര്ഡ് കെറ്റല്ബ്രോയും പിച്ചും ഔട്ട്ഫീല്ഡും പരിശോധിച്ചു.
ആദ്യ മൂന്നുദിവസവും ശക്തമായ മഴയ്ക്ക് സാധ്യതയുള്ളതായി കാലാവസ്ഥാവകുപ്പ് മുന്നറിയിപ്പുണ്ട്. ആദ്യ ടെസ്റ്റില് 280 റണ്സിന് ജയിച്ച് ഇന്ത്യ പരമ്പരയില് മുന്നിലാണ്. രണ്ടാം ടെസ്റ്റിനിറങ്ങുമ്പോഴും ഇന്ത്യക്കുതന്നെയാണ് ജയസാധ്യത.