/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/06/odi-2-2025-12-06-17-49-28.jpg)
ഹൈദരാബാദ്: ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തില് ഇന്ത്യയ്ക്ക് 271 റണ്സ് വിജയലക്ഷ്യം. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ദക്ഷിണാഫ്രിക്ക 47.5 ഓവറില് 270 റണ്സെടുത്തു പുറത്തായി. ഓപ്പണര് ക്വിന്റന് ഡികോക്ക് സെഞ്ചറി നേടി പുറത്തായി. ഇന്ത്യയ്ക്കായി പേസര് പ്രസിദ്ധ് കൃഷ്ണയും സ്പിന്നര് കുല്ദീപ് യാദവും നാലു വിക്കറ്റുകള് വീതം വീഴ്ത്തി തിളങ്ങി.
89 പന്തുകള് നേരിട്ട ക്വിന്റന് ഡികോക്ക് 106 റണ്സെടുത്താണു പുറത്തായത്. ആറു സിക്സുകളും എട്ടു ഫോറുകളും താരം ബൗണ്ടറി കടത്തി. ക്യാപ്റ്റന് ടെംബ ബാവുമ (67 പന്തില് 48), ഡെവാള്ഡ് ബ്രെവിസ് (20 പന്തില് 29), മാത്യു ബ്രീറ്റ്സ്കി (23 പന്തില് 24) എന്നിവരാണു ദക്ഷിണാഫ്രിക്കയുടെ മറ്റു പ്രധാന സ്കോറര്മാര്. ഒരു ഘട്ടത്തില് 300ന് മുകളില് പോകുമെന്നു കരുതിയ ദക്ഷിണാഫ്രിക്കയുടെ സ്കോര്, കൃത്യമായ ഇടവേളകളില് വിക്കറ്റ് വീഴ്ത്തിയതിലൂടെ ഇന്ത്യന് ബോളര്മാര് തടഞ്ഞുനിര്ത്തുകയായിരുന്നു.
സ്കോര് ബോര്ഡില് ഒരു റണ്സെത്തിയപ്പോള് തന്നെ ഓപ്പണര് റയാന് റിക്കിള്ട്ടനെ പുറത്താക്കി അര്ഷ്ദീപ് സിങ് ഇന്ത്യയ്ക്കു മികച്ച തുടക്കം സമ്മാനിച്ചതാണ്. എന്നാല് ക്വിന്റന് ഡി കോക്കും ടെംബ ബാവുമയും ചേര്ന്നകോടെ കളി തിരിഞ്ഞു. 19 ഓവറില് ദക്ഷിണാഫ്രിക്ക 100 പിന്നിട്ടു. സ്കോര് 114 ല് നില്ക്കെ ബാവുമയെ സ്പിന്നര് രവീന്ദ്ര ജഡേജ വിരാട് കോലിയുടെ കൈകളിലെത്തിച്ചു. 113 റണ്സ് കൂട്ടുകെട്ടാണ് ഡി കോക്ക് ബാവുമ സഖ്യം കൂട്ടിച്ചേര്ത്തത്. പിന്നാലെയെത്തിയ മാത്യു ബ്രീറ്റ്സ്കിയും ഡികോക്കിനു മികച്ച പിന്തുണയേകി. പ്രസിദ്ധ് കൃഷ്ണയുടെ പന്തില് എല്ബിഡബ്ല്യു ആയാണ് ബ്രീറ്റ്സ്കി മടങ്ങിയത്. 80 പന്തുകളില് ഡികോക്ക് സെഞ്ചറിയിലെത്തി. എയ്ഡന് മാര്ക്രമിനെ (ഒന്ന്)യും പ്രസിദ്ധ് കൃഷ്ണ പുറത്താക്കി.
33ാം ഓവറില് പ്രസിദ്ധ് കൃഷ്ണയുടെ തന്നെ പന്തില് ക്വിന്റന് ഡികോക്ക് പുറത്തായതോടെ കളിയുടെ ഗതി മാറി. പിന്നാലെയെത്തിയ മധ്യനിരയിലെ ഡെവാള്ഡ് ബ്രെവിസ്, മാര്കോ യാന്സന്, കോര്ബിന് ബോഷ് എന്നിവരെ വലിയ ഇന്നിങ്സുകള് കളിക്കാന് സ്പിന്നര് കുല്ദീപ് യാദവ് അനുവദിച്ചില്ല. വാലറ്റത്ത് 20 റണ്സെടുത്ത കേശവ് മഹാരാജൊഴികെ മറ്റുള്ള താരങ്ങള് അതിവേഗം മടങ്ങിയതോടെ ദക്ഷിണാഫ്രിക്ക 270ന് പുറത്ത്. രവീന്ദ്ര ജഡേജയും അര്ഷ്ദീപ് സിങ്ങും ഓരോ വിക്കറ്റുവീതവും നേടി.
ഇന്ത്യ പ്ലേയിങ് ഇലവന് യശസ്വി ജയ്സ്വാള്, രോഹിത് ശര്മ, വിരാട് കോലി, ഋതുരാജ് ഗെയ്ക്വാദ്, കെ.എല്. രാഹുല് (ക്യാപ്റ്റന്, വിക്കറ്റ് കീപ്പര്), തിലക് വര്മ, രവീന്ദ്ര ജഡേജ, ഹര്ഷിത് റാണ, കുല്ദീപ് യാദവ്, അര്ഷ്ദീപ് സിങ്, പ്രസിദ്ധ് കൃഷ്ണ.
ദക്ഷിണാഫ്രിക്ക പ്ലേയിങ് ഇലവന് റയാന് റിക്കിള്ട്ടന്, ക്വിന്റന് ഡികോക്ക് (വിക്കറ്റ് കീപ്പര്), ടെംബ ബാവുമ, മാത്യു ബ്രീറ്റ്സ്കി, എയ്ഡന് മാര്ക്രം, ഡെവാള്ഡ് ബ്രെവിസ്, മാര്കോ യാന്സന്, കോര്ബിന് ബോഷ്, കേശവ് മഹാരാജ്, ലുങ്കി എന്ഗിഡി, ഒട്നെയില് ബാര്ട്മാന്.