/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/09/toss-2025-12-09-18-46-39.jpg)
കട്ടക്ക്: ടി20 പരമ്പരയിലെ ആദ്യ മത്സരത്തില് ഇന്ത്യക്കെതിരെ ടോസ് നേടിയ ദക്ഷിണാഫ്രിക്ക ഫീല്ഡിംഗ് തെരഞ്ഞെടുത്തു. കട്ടക്കിലെ ബാരാബതി സ്റ്റേഡിയത്തില് 2023ല് പുതുതായി നിര്മിച്ച ചുവന്ന കളിമണ്ണുകൊണ്ടുള്ള പിച്ചിലാണ് മത്സരം.
വിക്കറ്റ് കീപ്പറായി ജിതേഷ് ശര്മ പ്ലേയിംഗ് ഇലവനില് സ്ഥാനം നിലനിര്ത്തിയപ്പോള് മലയാളി താരം സഞ്ജു സാംസണ് പുറത്തായി. അഭിഷേക് ശര്മയും ശുഭ്മാന് ഗില്ലുമാണ് ഇന്ത്യക്കായി ഇന്നിംഗ്സ് ഓപ്പണ് ചെയ്യുന്നത്. ഏകദിന പരമ്പരയില് നിന്ന് വിശ്രമം അനുവദിച്ച പേസര് ജസ്പ്രീത് ബുമ്രയും പരിക്കുമൂലം പുറത്തായിരുന്ന ഹാര്ദ്ദിക് പാണ്ഡ്യയും ഇന്ത്യയുടെ പ്ലേയിംഗ് ഇലവനില് തിരിച്ചെത്തിയപ്പോള് മൂന്നാം പേസറായി അര്ഷ്ദീപ് സിംഗും പ്ലേയിംഗ് ഇലവനില് ഇടം നേടി.
സ്പിന്നര്മാരായി വരുണ് ചക്രവര്ത്തിയും അക്സര് പട്ടേലും ഇന്ത്യയുടെ പ്ലേയിംഗ് ഇലവനിലെത്തിയപ്പോള് കുല്ദീപ് യാദവും വാഷിംഗ്ടണ് സുന്ദറും പുറത്തായി. ദക്ഷിണാഫ്രിക്കന് ടീമില് നീണ്ട നാളത്തെ ഇടവേളക്കേുശേഷം പേസര് ആന്റിച്ച് നോര്ക്യ തിരിച്ചെത്തി. അഞ്ച് മത്സര പരമ്പരയിലെ ആദ്യ മത്സരമാണ് ഇന്ന് നടക്കുന്നത്.
ദക്ഷിണാഫ്രിക്ക പ്ലേയിംഗ് ഇലവന്: ക്വിന്റണ് ഡി കോക്ക്, ഏയ്ഡന് മാര്ക്രം (ക്യാപ്റ്റന്), ടോണി ഡി സോര്സി, ഡെവാള്ഡ് ബ്രെവിസ്, ട്രിസ്റ്റന് സ്റ്റബ്സ്, ഡേവിഡ് മില്ലര്, മാര്ക്കോ ജാന്സെന്, കോര്ബിന് ബോഷ്, കേശവ് മഹാരാജ്, ലുങ്കി എന്ഗിഡി, ആന്റിച്ച് നോര്ക്യ.
ഇന്ത്യ പ്ലേിയംഗ് ഇലവന്: സൂര്യകുമാര് യാദവ് (ക്യാപ്റ്റന്), ശുഭ്മാന് ഗില്, അഭിഷേക് ശര്മ്മ, തിലക് വര്മ്മ, ഹാര്ദിക് പാണ്ഡ്യ, ശിവം ദുബെ, അക്സര് പട്ടേല്, ജിതേഷ് ശര്മ്മ, ജസ്പ്രീത് ബുമ്ര, വരുണ് ചക്രവര്ത്തി, കുല്ദീപ് യാദവ്.