ബെംഗളൂരു: ചിന്നസ്വാമി സ്റ്റേഡിയത്തില് കോലിയുടെ ആറാട്ട്. കൊല്ക്കത്ത നൈറ്റ് റൈഡേഴ്സിനെതിരായ മത്സരത്തില് താരം മികച്ച പ്രകടനമാണ് പുറത്തെടുത്തത്. കോലിയുടെ അര്ദ്ധ സെഞ്ച്വറിയുടെ കരുത്തില് ബെംഗളൂരു റോയല് ചലഞ്ചേഴ്സ് 6 വിക്കറ്റ് നഷ്ടത്തില് 182 റണ്സ് സ്വന്തമാക്കി. 56 പന്തില് നിന്നാണ് കോലി 83 റണ്സ് അടിച്ചെടുത്തത്. കോലിയാണ് ബെംഗളൂരുവിന്റെ ടോപ് സ്കോറര്.
ടോസ് നഷ്ടപ്പെട്ട് ബാറ്റിംഗിനിറങ്ങിയ ബെംഗളൂരുവിന് ആദ്യം നഷ്ടപ്പെട്ടത് ക്യാപ്റ്റന് ഫഫെ ഡ്യുപ്ലെസിയെയാണ്. 6 പന്തുകള് നേരിട്ട ഡ്യുപ്ലെക്സ് 8 റണ്സാണ് എടുത്തത്. തുടര്ന്ന് മത്സരത്തിന്റെ 'ക്യാപ്റ്റന്സി' കോലി ഏറ്റെടുത്തു.
കൊല്ക്കത്തയ്ക്കായി ഹര്ഷിത് റാണയും ആന്ദ്രേ റസലും രണ്ടു വിക്കറ്റ് വീതവും സുനില് നരൈന് ഒരു വിക്കറ്റും നേടി.
കൊല്ക്കത്ത നൈറ്റ് റൈഡേഴ്സ്: ഫിലിപ്പ് സാള്ട്ട് (വിക്കറ്റ് കീപ്പര്), വെങ്കിടേഷ് അയ്യര്, ശ്രേയസ് അയ്യര് (ക്യാപ്റ്റന്), രമണ്ദീപ് സിംഗ്, റിങ്കു സിംഗ്, ആന്ദ്രെ റസല്, സുനില് നരെയ്ന്, മിച്ചല് സ്റ്റാര്ക്ക്, അനുകുല് റോയ്, ഹര്ഷിത് റാണ, വരുണ് ചക്രവര്ത്തി
റോയല് ചലഞ്ചേഴ്സ് ബെംഗളൂരു: വിരാട് കോഹ്ലി, ഫാഫ് ഡു പ്ലെസിസ് (ക്യാപ്്റ്റന്), കാമറൂണ് ഗ്രീന്, രജത് പട്ടീദാര്, ഗ്ലെന് മാക്സ്വെല്, അനൂജ് റാവത്ത് (വിക്കറ്റ് കീപ്പര്), ദിനേഷ് കാര്ത്തിക്, അല്സാരി ജോസഫ്, മായങ്ക് ദാഗര്, മുഹമ്മദ് സിറാജ്, യാഷ് ദയാല്.