/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/01/11/NxYf7qdDh5hZlOWxLjpu.PNG)
Lional Messi
കോഴിക്കോട്: സൗഹൃദ മത്സരത്തിനായി ഫുട്ബോള് ഇതിഹാസം ലയണല് മെസി ഒക്ടോബര് 25ന് കേരളത്തിലെത്തും. നവംബര് രണ്ട് വരെയാണ് മെസി കേരളത്തിലുണ്ടാകുമെന്ന് കായിക മന്ത്രി വി. അബ്ദുറഹ്മാന് പറഞ്ഞു. കോഴിക്കോട്ട് നടന്ന ഒരു പരിപാടിയിലാണ് മന്ത്രി ഇക്കാര്യം പറഞ്ഞത്. സൗഹൃദമത്സരത്തിന് പുറമേ മെസി പൊതുപരിപാടിയിലും പങ്കെടുക്കും.
20 മിനിറ്റാണ് ഇതിനായി അനുവദിച്ചിരിക്കുന്നത്. മെസിയുടെ കേരളത്തിലേക്കുള്ള വരവ് സംബന്ധിച്ച് മറ്റ് വിവരങ്ങള് മന്ത്രി വ്യക്തമാക്കിയിട്ടില്ല. ഖത്തര് ലോകകപ്പില് കിരീടമുയര്ത്തിയ അര്ജന്റീന, ഇന്ത്യയില് സൗഹൃദമത്സരം കളിക്കാന് തയ്യാറാണെന്ന് ഇന്ത്യന് ഫുട്ബോള് അസോസിയേഷനെ അറിയിച്ചിരുന്നു.
മത്സരത്തിനുള്ള ചെലവ് താങ്ങാന് കഴിയില്ലെന്ന കാരണത്താല് അസോസിയേഷന് ഈ ക്ഷണം നിരസിച്ചിരുന്നു. ഇതറിഞ്ഞ കേരള കായികമന്ത്രി വി. അബ്ദുറ്ഹിമാന് അര്ജന്റീന ഫുട്ബോള് അസോസിയേഷന് പ്രസിഡന്റ് ക്ലോഡിയോ ടാപിയക്ക് കത്തയച്ചു.
കായികമന്ത്രിയുടെ ക്ഷണം സ്വീകരിച്ച് അര്ജന്റീന ഫുട്ബോള് ടീം ഇന്ത്യയിലേക്ക് വരാന് സമ്മതമറിയിച്ചിരുന്നു. 2022-ലെ ലോകകപ്പ് നേട്ടത്തിനുശേഷം അര്ജന്റീന ഫുട്ബോള് അസോസിയേഷന് കേരളത്തെ പരാമര്ശിച്ച് ആരാധകര്ക്ക് നന്ദിയറിയിച്ചിരുന്നു.