മിഥുന്‍ മന്‍ഹാസ് ബിസിസിഐ പ്രസിഡന്റ്‌

ന്യൂഡല്‍ഹി: മുന്‍ ഇന്ത്യന്‍ ഫസ്റ്റ് ക്ലാസ് ക്രിക്കറ്റ് താരം മിഥുന്‍ മന്‍ഹാസ്. കഴിഞ്ഞ ദിവസം അമിത്ഷായുടെ വസതിയില്‍ ചേര്‍ന്ന യോഗത്തിലാണ് മിഥുനെ ബിസിസിഐ പ്രസിഡന്റാക്കാന്‍ തീരുമാനിച്ചത്.

ജമ്മു കശ്മീര്‍ ക്രിക്കറ്റ് അസോസിയേഷന്‍ ഭാരവാഹിയായ ഇദ്ദേഹം ഇന്ത്യന്‍ ടീമില്‍ കളിച്ചിട്ടില്ല. എന്നാല്‍ ഐപിഎല്ലില്‍ വിവിധ ടീമുകള്‍ക്കായും രഞ്ജി ട്രോഫിയില്‍ ജമ്മു കശ്മീരിന് വേണ്ടിയും കളിച്ചിട്ടുണ്ട്. അതേസമയം മുന്‍ ഇന്ത്യന്‍ പേസര്‍ ആര്‍പി സിംഗ് ബിസിസിഐയുടെ സെലക്ഷന്‍ കമ്മിറ്റി അംഗമാകുമെന്നും വിവരമുണ്ട്.

എതിരാളികള്‍ ഇല്ലാത്തതിനാല്‍ ഏകകണ്ഠമായാണ് മിഥുനെ ബിസിസിഐ പ്രസിഡന്റായി തിരഞ്ഞെടുത്തത്.

അതേസമയം കോണ്‍ഗ്രസ് എംപി രാജീവ് ശുക്ല ബിസിസിഐ വൈസ്പ്രസിഡന്റും ദേവ്ജിത് സൈക്കി സെക്രട്ടറിയായും തുടരും. രഘുറാം ഭട്ട് ആണ് ട്രഷറര്‍, അരുണ്‍ ധുമാല്‍ ഐപിഎല്‍ ചെയര്‍മാനായും തുടരും.