നിഹാല്‍ സരിന്‍ ഇ-സ്‌പോര്‍ട്‌സ് ലോകകപ്പ് ഫൈനലില്‍

ലാസ്റ്റ് ചാന്‍സ് ക്വാളിഫയറിലൂടെയാണ് 21 വയസ്സുകാരനായ നിഹാല്‍ ഗ്രാന്‍ഡ് ഫൈനലില്‍ ഇടം നേടിയത്. അര്‍ജുന്‍ എരിഗൈസിക്ക് ആണ് ലോകകപ്പ് ഫൈനലില്‍ ഉള്ള മറ്റൊരു ഇന്ത്യന്‍ താരം.

author-image
Biju
New Update
NIHAL

റിയാദ്: തൃശ്ശൂര്‍ സ്വദേശിയായ ഇന്ത്യന്‍ ചെസ്സ് ഇതിഹാസം നിഹാല്‍ സരിന്‍ റിയാദില്‍ നടക്കുന്ന ഇ-സ്‌പോര്‍ട്‌സ് ലോകകപ്പ് ഫൈനലില്‍ പ്രവേശിച്ചു. ലാസ്റ്റ് ചാന്‍സ് ക്വാളിഫയറിലൂടെയാണ് 21 വയസ്സുകാരനായ നിഹാല്‍ ഗ്രാന്‍ഡ് ഫൈനലില്‍ ഇടം നേടിയത്. അര്‍ജുന്‍ എരിഗൈസിക്ക് ആണ് ലോകകപ്പ് ഫൈനലില്‍ ഉള്ള മറ്റൊരു ഇന്ത്യന്‍ താരം.

റാപ്പിഡ്, ബ്ലിറ്റ്‌സ് ഫോര്‍മാറ്റുകളിലുള്ള തന്റെ അസാമാന്യ പ്രകടനം നിഹാല്‍ കാഴ്ചവച്ചു. വെള്ളിയാഴ്ച നടന്ന ഗ്രൂപ്പ് മത്സരങ്ങളില്‍ ഒന്നാം സ്ഥാനത്തെത്തിയാണ് നിഹാല്‍ വിന്നേഴ്‌സ് ബ്രാക്കറ്റില്‍ പ്രവേശിച്ചത്. ഡെനിസ് ലസാവിക്കിനെതിരെയും തുടര്‍ന്ന് അനീഷ് ഗിരി, ആന്ദ്രേ എസിപെന്‍കോ എന്നിവര്‍ക്കെതിരെയും വിജയം നേടി നിഹാല്‍ തന്റെ ആധിപത്യം തുടര്‍ന്നു. ഈ വിജയങ്ങള്‍ വിന്നേഴ്‌സ് ബ്രാക്കറ്റിന്റെ സെമിഫൈനലിലേക്കും പിന്നീട് ലോകകപ്പ് ഫൈനലിലേക്കും നിഹാലിന് വഴിതുറന്നു.

ഫൈനലില്‍ ഇന്ത്യന്‍ ക്ലബ് S8ULനെയാണ് നിഹാല്‍ പ്രതിനിധീകരിക്കുന്നത്. അതേസമയം, അര്‍ജുന്‍ എരിഗൈസി ചാമ്പ്യന്‍സ് ചെസ്സ് ടൂര്‍ വഴി നേരത്തെ തന്നെ യോഗ്യത നേടിയിരുന്നു. അര്‍ജുന്‍ Gen.G ഇസ്‌പോര്‍ട്‌സിനു വേണ്ടിയാണ് മത്സരിക്കുന്നത്. ലെവോണ്‍ ആരോണിയന്‍, ജാവോഖിര്‍ സിന്‍ഡറോവ് എന്നിവരാണ് യോഗ്യത നേടിയ മറ്റ് പ്രമുഖ അന്താരാഷ്ട്ര താരങ്ങള്‍. ലാസ്റ്റ് ചാന്‍സ് ക്വാളിഫയറില്‍ പങ്കെടുത്ത മറ്റൊരു ഇന്ത്യന്‍ താരമായ പ്രഗ്‌നാനന്ദ നേരത്തെ പുറത്തായിരുന്നു.

Nihal Sarin