ഒലിവര്‍ ജിറൂഡിനെ സ്വന്തമാക്കാന്‍ ലില്ലെ;

ലില്ലെ ഒ.എസ്.സി. ഫ്രഞ്ച് മുന്നേറ്റനിര താരം ഒലിവര്‍ ജിറൂഡുമായി കരാറില്‍ ധാരണയിലെത്തിയതായി റിപ്പോര്‍ട്ട്. മേജര്‍ ലീഗ് സോക്കറില്‍ ലോസ് ഏഞ്ചല്‍സ് എഫ്.സിക്ക് വേണ്ടി കളിക്കുന്ന 38 വയസ്സുകാരനായ ജിറൂഡ് ലീഗ് 1-ലേക്ക് തിരിച്ചെത്താന്‍ ഒരുങ്ങുകയാണെനാണു  റിപ്പോര്‍ട്ട് .

2024-ല്‍ എ.സി. മിലാനില്‍ നിന്ന് എല്‍.എ.എഫ്.സിയില്‍ ചേര്‍ന്ന ജിറൂഡ് 37 മത്സരങ്ങളില്‍ നിന്ന് അഞ്ച് ഗോളുകള്‍ നേടിയിട്ടുണ്ട്. ഈ ഡിസംബറില്‍ കരാര്‍ അവസാനിക്കുന്നതിനാല്‍, ഫ്രാന്‍സിലേക്ക് മടങ്ങുന്നതിനുള്ള സൗകര്യമൊരുക്കുന്നതിനായി കരാര്‍ നേരത്തെ അവസാനിപ്പിക്കാനുള്ള ചര്‍ച്ചകള്‍ നടന്നുവരികയാണ്.

മുന്‍ ആഴ്‌സണല്‍, ചെല്‍സി സ്‌ട്രൈക്കര്‍ ലില്ലെയുമായി ഒരു വര്‍ഷത്തെ കരാര്‍ ഒപ്പിടുമെന്നും ഒരു വര്‍ഷത്തേക്ക് കൂടി കരാര്‍ നീട്ടാന്‍ സാധ്യതയുണ്ടെന്നും പ്രതീക്ഷിക്കുന്നു. 2012-ല്‍ മോണ്ട്‌പെല്ലിയറിന് ചരിത്രപരമായ കിരീടം നേടിക്കൊടുക്കാന്‍ സഹായിച്ചതിന് ശേഷം 12 വര്‍ഷം കഴിഞ്ഞാണ് ജിറൂഡ് ലീഗ് 1-ലേക്ക് തിരിച്ചെത്തുന്നത്.