സ്വാതിക് - ചിരാഗ് സഖ്യത്തിന് മുന്നേറ്റം

ഒളിംപിക്‌സില്‍ മിന്നും ഫോമിലുള്ള ഇന്ത്യന്‍ സഖ്യം മത്സരത്തില്‍ പൂര്‍ണ ആധിപത്യം ആണ് പുലര്‍ത്തിയത്. ആദ്യ സെറ്റ് 21-13 നു നേടിയ സ്വാതിക്-ചിരാഗ് ആദ്യം തന്നെ നയം വ്യക്തമാക്കി.

author-image
Athira Kalarikkal
New Update
satwik
Listen to this article
0.75x1x1.5x
00:00/ 00:00

പാരീസ് : ലോക ഏഴാം നമ്പര്‍ സഖ്യമായ ഇന്തോനേഷ്യയുടെ മുഹമ്മദ് റിയാന്‍, ഫജര്‍ അല്‍ഫിയാന്‍ സഖ്യത്തെ നേരിട്ടുള്ള സെറ്റുകള്‍ക്ക് തകര്‍ത്തു ഇന്ത്യയുടെ ചിരാഗ് ഷെട്ടി, സ്വാതിക് സായിരാജ് റെഡി സഖ്യം ക്വാര്‍ട്ടര്‍ ഫൈനലിലേക്ക് മുന്നേറി. പാരീസ് ഒളിമ്പിക്‌സ് ബാഡ്മിന്റണ്‍ ഡബിള്‍സ് ഗ്രൂപ്പ് സിയില്‍ കളിച്ച 3 മത്സരങ്ങളും ജയിച്ച സ്വാതിക്-ചിരാഗ് ഗ്രൂപ്പ് ജേതാക്കളും ആയി. ക്വാര്‍ട്ടര്‍ ഫൈനലില്‍ മറ്റു ഗ്രൂപ്പിലെ രണ്ടാം സ്ഥാനക്കാരെ ആണ് അവര്‍ നേരിടുക.

ഒളിംപിക്‌സില്‍ മിന്നും ഫോമിലുള്ള ഇന്ത്യന്‍ സഖ്യം മത്സരത്തില്‍ പൂര്‍ണ ആധിപത്യം ആണ് പുലര്‍ത്തിയത്. ആദ്യ സെറ്റ് 21-13 നു നേടിയ സ്വാതിക്-ചിരാഗ് ആദ്യം തന്നെ നയം വ്യക്തമാക്കി. തുടര്‍ന്ന് രണ്ടാം സെറ്റിലും 21-13 എന്ന സ്‌കോറിന് തന്നെ ജയം കണ്ട അവര്‍ മത്സരവും ഗ്രൂപ്പിലെ ഒന്നാം സ്ഥാനവും സ്വന്തം പേരിലാക്കി. ഒളിമ്പിക്‌സില്‍ ഗ്രൂപ്പ് ജേതാക്കള്‍ ആവുന്നതും ക്വാര്‍ട്ടര്‍ ഫൈനലിലും എത്തുന്ന ആദ്യ ഇന്ത്യന്‍ ഡബിള്‍സ് ടീം ആയും അവര്‍ മാറി.

paris olympics 2024 Chirag Satwik