ആദ്യ ഗ്രൂപ്പ് മത്സരം ജയിച്ചു സ്വാതിക്-ചിരാഗ് സഖ്യം

പാരീസ് : ഒളിംപിക്‌സില്‍ ബാഡ്മിന്റണ്‍ ഡബിള്‍സ് ആദ്യ ഗ്രൂപ്പ് മത്സരം ജയിച്ചു ഇന്ത്യയുടെ സ്വാതിക്-ചിരാഗ് സഖ്യം. മൂന്നാം സീഡ് ആയ ചിരാഗ് ഷെട്ടി, സ്വാതിക് സായിരാജ് റെഡി സഖ്യം ആതിഥേയരായ ലൂകാസ്, റൊനാന്‍ സഖ്യത്തെ നേരിട്ടുള്ള സെറ്റുകള്‍ക്ക് ആണ് തകര്‍ത്തത്. കരിയറില്‍ ഫ്രഞ്ച് താരങ്ങള്‍ക്ക് എതിരെ ഇത് വരെ തോല്‍വി അറിഞ്ഞിട്ടില്ല എന്ന മികവും ഇന്ത്യന്‍ സഖ്യം നിലനിര്‍ത്തി. 

ഗ്രൂപ്പ് സിയില്‍ ആദ്യ സെറ്റില്‍ കുറച്ചു വെല്ലുവിളി സ്വാതിക്-ചിരാഗ് സഖ്യം നേരിട്ടെങ്കിലും സെറ്റ് 21-17 നു അവര്‍ നേടി. തുടര്‍ന്നു രണ്ടാം സെറ്റില്‍ 21-14 നു ജയം കണ്ട സ്വാതിക്-ചിരാഗ് മത്സരത്തില്‍ ജയം ഉറപ്പിക്കുക ആയിരുന്നു. പാരീസ് ഒളിമ്പിക്‌സില്‍ ലോക മൂന്നാം നമ്പര്‍ ടീമില്‍ നിന്നു ഇന്ത്യ സ്വര്‍ണം തന്നെയാണ് പ്രതീക്ഷിക്കുന്നത്.