/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/24/wxm6S2ugC2JLfZnVzJw1.jpeg)
Manu Bakhar (File Photo)
ന്യൂഡല്ഹി: രാജ്യത്തെ പരമോന്നത കായിക ബഹുമതിയായ മേജര് ധ്യാന് ചന്ദ് ഖേല് രത്ന പുരസ്കാരത്തിന് ഇന്ത്യയുടെ ഒളിമ്പിക് മെഡല് ജേതാവ് മനു ഭാക്കറിനെ പരിഗണിക്കാത്തത് വിവാദമായ പശ്ചാത്തലത്തില് താരത്തിന് പുരസ്കാരം നല്കാനൊരുങ്ങുന്നുവെന്നാണ് റിപ്പോര്ട്ടുകള്.
പ്രത്യേക അധികാരം ഉപയോഗിച്ച് മനു ഭാക്കറിനെ കൂടി ഖേല് രത്നയ്ക്ക് ശുപാര്ശ ചെയ്തേക്കുമെന്ന് റിപ്പോര്ട്ട്. സംഭവത്തെ കുറിച്ച് കായികമന്ത്രി റിപ്പോര്ട്ട് തേടിയിട്ടുണ്ട്. അതിന് ശേഷം ഇക്കാര്യത്തില് ഒരു അന്തിമതീരുമാനം എടുത്തേക്കും.
നേരത്തേ 12-അംഗങ്ങളടങ്ങിയ സെലക്ഷന് കമ്മിറ്റി അവാര്ഡിനായി ശുപാര്ശ ചെയ്ത പട്ടികയില് മനു ഭാക്കര് ഇടംപിടിച്ചിരുന്നില്ല. പാരീസ് ഒളിമ്പിക്സില് ഇരട്ടമെഡല് നേടിയ മനു ഭാക്കര് അവാര്ഡിനായി അപേക്ഷിച്ചിട്ടില്ലെന്നാണ് കായികമന്ത്രാലയം പറയുന്നത്. എന്നാല് അപേക്ഷ അയച്ചിട്ടുണ്ടെന്ന് മനു ഭാക്കറിന്റെ കുടുംബം വ്യക്തമാക്കി.
ഇന്ത്യയുടെ ഹോക്കി ടീം നായകന് ഹര്മന്പ്രീത് സിങ്ങും പാരാ ഹൈജംപ് താരം പ്രവീണ് കുമാറും ശുപാര്ശ ചെയ്ത പട്ടികയില് ഇടംപിടിച്ചിരുന്നു. പാരീസ് ഒളിമ്പിക്സില് ഇന്ത്യന് ഹോക്കി ടീം വെങ്കലമെഡല് നേടുന്നത് ഹര്മന്പ്രീത് സിങ്ങിന്റെ നായകത്വത്തിലായിരുന്നു.