റോബര്‍ട്ടോ ഫര്‍മിനോ അല്‍ സാദിലേക്ക്

ദോഹ: മുന്‍ ലിവര്‍പൂള്‍ സൂപ്പര്‍താരം റോബര്‍ട്ടോ ഫര്‍മിനോ സൗദി ക്ലബ്ബ് അല്‍ അഹ്ലി വിട്ട് ഖത്തറി ക്ലബ്ബായ അല്‍ സാദില്‍ ചേരുമെന്ന് ഉറപ്പായി. അല്‍ അഹ്ലിയുമായുള്ള ഫിര്‍മിനോയുടെ കരാര്‍ ഏഷ്യന്‍ ചാമ്പ്യന്‍സ് ലീഗ് കിരീടം നേടിയതിന് ശേഷം അവസാനിക്കുകയായിരുന്നു. അല്‍ സാദുമായി കരാര്‍ ധാരണയിലെത്തിയതോടെ താരത്തിന്റെ കരിയറില്‍ ഒരു പുതിയ അധ്യായത്തിന് തുടക്കമാവുകയാണ്.

അല്‍ അഹ്ലിക്കായി കഴിഞ്ഞ സീസണില്‍ (2024-2025) മികച്ച പ്രകടനം കാഴ്ചവെച്ച ഫിര്‍മിനോ, ക്ലബ്ബിന് ഏഷ്യന്‍ ചാമ്പ്യന്‍സ് ലീഗ് കിരീടം നേടിക്കൊടുക്കുന്നതില്‍ നിര്‍ണായക പങ്ക് വഹിച്ചിരുന്നു. 

സൗദി പ്രോ ലീഗില്‍ 17 മത്സരങ്ങളില്‍ നിന്ന് 5 ഗോളുകളും 3 അസിസ്റ്റുകളും നേടിയപ്പോള്‍, എ.എഫ്.സി ചാമ്പ്യന്‍സ് ലീഗില്‍ 12 മത്സരങ്ങളില്‍ നിന്ന് 6 ഗോളുകളും 7 അസിസ്റ്റുകളും സ്വന്തമാക്കി. എല്ലാ മത്സരങ്ങളിലുമായി മൊത്തം 24 കളികളില്‍ നിന്ന് 13 ഗോളുകളും 10 അസിസ്റ്റുകളും ഈ ബ്രസീലിയന്‍ താരം അല്‍ അഹ്ലിക്കായി സ്വന്തമാക്കി.

അല്‍ അഹ്ലിക്ക് വേണ്ടി 2 സീസണുകള്‍ കളിച്ച മുന്‍ ലിവര്‍പൂള്‍ താരം ഇനി ഖത്തറിലെ ലീഗില്‍ ആകും ബൂട്ട് കെട്ടുക.