എമാന്‍ കൊസ്‌പോയെ സ്വന്തമാക്കാന്‍ ഫിയോറന്റീന ധാരണയില്‍ എത്തി

ബാഴ്‌സലോണ : സ്പാനിഷ് ക്ലബ്ബ് ബാഴ്‌സലോണയുടെ 18 വയസ്സുകാരനായ സെന്റര്‍ ബാക്ക് എമാന്‍ കൊസ്‌പോയെ സ്വന്തമാക്കാന്‍ ഇറ്റാലിയന്‍ ക്ലബ്ബായ ഫിയോറന്റീന ധാരണയിലെത്തി. 2024-25 സീസണില്‍ കാറ്റലന്‍ ക്ലബ്ബിന്റെ അണ്ടര്‍ 19 ടീമില്‍ കൊസ്‌പോ മികച്ച പ്രകടനം കാഴ്ചവെച്ചിരുന്നു.

റിപ്പോര്‍ട്ട് അനുസരിച്ച്, ഒരു ദശലക്ഷം യൂറോയില്‍ താഴെയാണ് കൈമാറ്റത്തുക. കരാറിന്റെ ഭാഗമായി ബാഴ്സലോണയ്ക്ക് ഒരു സെല്‍-ഓണ്‍ ക്ലോസ് നിലനിര്‍ത്തിയിട്ടുണ്ട്. ബൈ-ബാക്ക് ക്ലോസിനെക്കുറിച്ച് പരാമര്‍ശമില്ലെങ്കിലും അന്തിമ കരാറില്‍ വൈ ബാക്ക് ക്ലോസോ സെല്‍ ഓണ്‍ ക്ലൊസോ ബാഴ്‌സലോണ വെക്കും.

കഴിഞ്ഞ സീസണില്‍ യുവേഫ യൂത്ത് ലീഗില്‍ മൂന്ന് മത്സരങ്ങള്‍ ഉള്‍പ്പെടെ 12 മത്സരങ്ങളില്‍ കളിച്ച കൊസ്‌പോ, തന്റെ ശാന്തതയും ഫിസിക്കല്‍ സ്‌കില്ലുകള്‍ കൊണ്ടും സ്‌കൗട്ടുകളെ ആകര്‍ഷിച്ചിരുന്നു. ഫിയോറന്റീന ഈ യുവതാരത്തെ മാസങ്ങളായി നിരീക്ഷിക്കുകയായിരുന്നു.