വോൾവാൾട്ട് ഏകദിന റാങ്കിങ്ങിൽ ഒന്നാം സ്ഥാനത്ത്‌

ഇന്ത്യയിൽ നടന്ന ലോകകപ്പിന്റെ സെമിഫൈനലിലും ഫൈനലിലും സെഞ്ച്വറി നേടിയതിലൂടെ ലോറ വോൾവാൾട്ട് ഐ സി സി ഐ യുടെ വനിതാ ഏകദിന ബാറ്റിംഗ് റാങ്കിങ്ങിൽ സ്‌മൃതി മന്ദാനയെ മറികടന്നു ഒന്നാംസ്ഥാനത്ത്‌ എത്തി .

ലോകകപ്പിലെ റെക്കോർഡ് പ്രകടനത്തിന്റെ പിൻബലത്തിലാണ് വോൾവാൾട്ട് ഒന്നാംസ്ഥാനത്തേക്ക് ഉയർന്നത് .

സെമിഫൈനലിൽ ഇംഗ്ലണ്ടിനെതിരായ വിജയത്തിൽ 169 റൺസും ,ഫൈനലിൽ ഇന്ത്യയോട് തോറ്റ കളിയിൽ 101 റൺസും നേടിയതോടെ ടൂർണമെന്റിൽ വോൾവാൾട്ടിന്റെ ആകെ റൺസ് 571 ആയി .

ഇത് ലോകകപ്പുകളിലെ ഒരു റെക്കോർഡാണ് .ഈ പ്രകടനം വോൾവാൾട്ടിന് 814 റേറ്റിങ് പോയിന്റുകൾ നേടിക്കൊടുത്തു .

ഇത് താരത്തിന്റെ കരിയറിലെ ഏറ്റവും ഉയർന്ന പോയിന്റാണ് .മന്ദാനയെക്കാൾ മൂന്നു പോയിന്റ് കൂടുതലാണ് ഇത് .811 പോയിന്റാണ് ഇന്ത്യൻ താരത്തിനുള്ളത് .ലോകകപ്പ് ഉടനീളം മന്ദാന റാങ്കിങ്ങിൽ ഒന്നാം സ്ഥാനത്തായിരുന്നു .

പക്ഷെ നോക്ഔട്ട് മത്സരങ്ങളിലെ മോശം പ്രകടനം സ്‌മൃതിയെ റാങ്കിങ്ങിൽ പിന്നോട്ടടിച്ചു .

ഓസ്‌ട്രേലിയക്കെതിരായ സെമിഫൈനലിൽ 24 റൺസും ഫൈനലിൽ 45 റൺസും സ്‌കോർ ചെയ്യാനേ കഴിഞ്ഞുള്ളുവെങ്കിലും ലോകകപ്പിലെ റൺവേട്ടക്കാരിൽ അവർ രണ്ടാം സ്ഥാനത്തു തന്നെ ഫിനിഷ് ചെയ്തു .