4dx theater in trivandrum

സംസ്ഥാനത്തെ ആദ്യ 4ഡിഎക്‌സ് തലസ്ഥാനത്ത്

തിരുവനന്തപുരം: സംസ്ഥാനത്തെ ആദ്യ 4ഡിഎക്‌സ് സിനിമാ തിയേറ്റര്‍ തിരുവനന്തപുരം ലുലുമാളില്‍ വരുന്നു. പിവിആര്‍ കൊണ്ടുവരുന്ന 12 സ്‌ക്രീനില്‍ ഒരു സ്‌ക്രീന്‍ 4ഡിഎക്‌സ് ആണ്. ഇന്ത്യയില്‍ നിലവില്‍ അഞ്ച് 4ഡിഎക്‌സ് തിയേറ്ററുകളാണുള്ളത്. രണ്ടെണ്ണം മുംബൈയിലും ബാംഗ്ലൂര്‍, ഡല്‍ഹി, ഹൈദരാബാദ് എന്നിവിടങ്ങളില്‍ ഒരോന്നു വീതവും. ഇന്ത്യയിലെ ഏറ്റവും വലിയ 4ഡിഎക്‌സ് തിയേറ്ററാണ് തിരുവനന്തപുരത്ത് വരാന്‍ പോകുന്നത്. തിരുവനന്തപുരം ടോറസ്മാളില്‍ വരുന്ന ഐമാക്‌സ് സ്‌ക്രീനിനു പിന്നാലെയാണ് 4ഡിഎക്‌സ് തിയേറ്ററും വരുന്നത്. ഇന്ത്യയിലെ ഏറ്റവും വലിയ മാളായ ലുലുമാള്‍ തുറക്കുന്നതിനോടൊപ്പം പിവിആറിന്റെ തിയേറ്ററുകളും ഈ വര്‍ഷം തുറക്കപ്പെടും. നിലവില്‍ കേരളത്തിലെ ഏറ്റവും വലിയ തിയേറ്ററും ഏറ്റവും വലിയ മള്‍ട്ടിപ്ലക്‌സും ഏറ്റവും കൂടുതല്‍ തിയേറ്ററുകളും തിരുവനന്തപുരം ജില്ലയിലാണ്.