kia inida launch sonet and seltos

പുത്തൻ ലോഗോയിൽ നിരത്തുകൾ കീഴടക്കാൻ കിയ സോണറ്റ്, സെല്‍റ്റോസ് മോഡലുകള്‍ ഇന്ത്യയിലെത്തി

ദക്ഷിണ കൊറിയന്‍ വാഹന നിര്‍മാതാക്കളായ കിയ മോട്ടോഴ്‌സ് പുതിയ ബ്രാൻഡ് ഐഡിയിൽ സോണറ്റ്, സെല്‍റ്റോസ് മോഡലുകള്‍ ഇന്ത്യയില്‍ അവതരിപ്പിച്ചു. സെല്‍റ്റോസിന് 9.95 ലക്ഷം രൂപ മുതല്‍ 17.65 ലക്ഷം രൂപ വരെയും സോണറ്റിന് 6.79 ലക്ഷം രൂപ മുതല്‍ 13.25 ലക്ഷം രൂപ വരെയുമാണ് എക്‌സ്‌ഷോറും വില. HTX പെട്രോള്‍ ഓട്ടോമാറ്റിക്, ഡീസല്‍ ഓട്ടോമാറ്റിക് എന്നീ വേരിയന്റുകളിലാണ് സോണറ്റ് എത്തുന്നത്. സെല്‍റ്റോസിൽ HTK+ എന്ന ഡീസല്‍ എന്‍ജിന്‍ ആറ് സ്പീഡ് മാനുവല്‍ വേരിയന്റ് ഒഴിവാക്കി പകരം HTX വേരിയന്റ് ഡീസല്‍ എന്‍ജിന്‍ മോഡലില്‍ ഓട്ടോമാറ്റിക് ട്രാന്‍സ്മിഷന്‍ നല്‍കുകയാണ്.