KUFOSA Agrarian Council and Council of India signed Memorandum of Understanding training

കുഫോസും അഗ്രികള്‍ച്ചര്‍ സ്‌കില്‍ കൗണ്‍സില്‍ ഓഫ് ഇന്ത്യയും നൈപുണ്യ പരിശീലനത്തിന് ധാരാണപത്രം ഒപ്പുവെച്ചു

കൊച്ചിയിലെ പനങ്ങാട് ആസ്ഥാനമായി പ്രവര്‍ത്തിക്കുന്ന കേരള ഫിഷറീസ് -സമുദ്ര പഠന സര്‍വ്വകലാശാലയും (കുഫോസും) അഗ്രികള്‍ച്ചര്‍ സ്‌കില്‍ കൗണ്‍സില്‍ ഓഫ് ഇന്ത്യയും നൈപുണ്യ പരിശീലന ധാരാണപത്രത്തില്‍ ഒപ്പുവെച്ചു. ധാരണയനുസരിച്ച് മീന്‍വളര്‍ത്തല്‍ ഉള്‍പ്പടെയുള്ള ജലകൃഷി മേഖലയിലെ തൊഴിലുകളിലും മത്സ്യബന്ധനം ഉള്‍പ്പടെയുള്ള സമുദ്ര മേഖലയിലെ തൊഴിലുകളിലും ഇരുസ്ഥാപനങ്ങളും സഹകരിച്ച് വിദ്യാര്‍ത്ഥികള്‍ക്കും യുവജനങ്ങള്‍ക്കും വിദഗ്ദ തൊഴില്‍ പരിശീലനം നല്‍കും. ഇതിനായുള്ള പരിശീലന കേന്ദ്രം കുഫോസില്‍ ആരംഭിക്കുമെന്ന് വൈസ് ചാന്‍സലര്‍ ഡോ.എ.രാമചന്ദ്രന്‍ അറിയിച്ചു.