Surya art festival kicks off Yesudas to start singing online for the 43rd time this year

സൂര്യ കലാമേളയ്ക്ക് അരങ്ങുണരുകയായി ; ഇത്തവണ ഓണ്‍ലൈനില്‍, 43ാം വര്‍ഷവും പാടി തുടങ്ങാന്‍ യേശുദാസ്

തിരുവനന്തപുരം: 43 വര്‍ഷമായി അനന്തപുരിയുടെ സാംസ്‌കാരികോത്സവമായ സൂര്യ ഫെസ്റ്റിവലിന് ഇന്ന് തുടക്കമാകും. കോവിഡ് പശ്ചാത്തലത്തില്‍ ഇത്തവണ പതിനൊന്ന് ദിവസമായി ചുരുക്കി ഓണ്‍ലൈനായാണ് ഫെസ്റ്റിവല്‍ സംഘടിപ്പിക്കുന്നത്. മേളയുടെ സ്ഥിരം സാന്നിധ്യമായ പ്രമുഖ കലാകാരന്‍മാര്‍ ഇത്തവണയും അണിനിരക്കും. എല്ലാ പരിപാടികളും മുന്‍കൂട്ടി റെക്കോര്‍ഡ് ചെയ്തതായിരിക്കും അവതരിപ്പിക്കുക. അര മണിക്കൂര്‍ വീതം മാത്രമായിരിക്കും ഓരോ ദിവസത്തെയും പരിപാടിയുടെ ദൈര്‍ഘ്യം. പതിവ് പോലെ യേശുദാസിന്റെ സംഗീത കച്ചേരിയോടെ ലോകത്തിലെ ഏറ്റവും വലിയ കലാമേളയ്ക്ക് തുടക്കമാകും. തുടര്‍ച്ചയായ 43ാം വര്‍ഷമാണ് യേശുദാസ് സൂര്യ ഫെസ്റ്റിവലില്‍ പാടുന്നത്.