/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/08/04/apple-2025-08-04-13-58-13.jpg)
ന്യൂഡല്‍ഹി: ഐഫോണ്‍ വില്‍പന വര്‍ധിച്ചതോടെ ഇന്ത്യയില്‍ കൂടുതല്‍ ആപ്പിള്‍ സ്റ്റോറുകള്‍ തുറക്കാനൊരുങ്ങുന്നു.2025ന്റെ അവസാനത്തോടെ ഇന്ത്യയില്‍ പുതിയ ആപ്പിള്‍ സ്റ്റോറുകള്‍ തുറക്കുമെന്ന് സിഇഒ ടിം കുക്ക് വെളിപ്പെടുത്തി. മുംബൈയിലെ ബികെസി സ്റ്റോറും ഡല്‍ഹിയിലെ സാകേത് സ്റ്റോറും വന്‍ വിജയമാണ്.
ഇന്ത്യയില്‍ വരാനിരിക്കുന്ന ആപ്പിള്‍ സ്റ്റോറുകളുടെ ലൊക്കേഷനുകള്‍ ആപ്പിള്‍ സ്ഥിരീകരിച്ചിട്ടില്ല. എങ്കിലും ചില സ്ഥലങ്ങള്‍ അഭ്യൂഹങ്ങളില്‍ നിറയുന്നു.
മുംബൈയിലെ സ്‌കൈ സിറ്റി മാള്‍. ബെംഗളൂരുവിലെ ഫീനിക്‌സ് മാള്‍ ഓഫ് ഏഷ്യ, പൂനെയിലെ കോപ മാള്‍, നോയിഡയിലെ ഡിഎല്‍എഫ് മാള്‍ എന്നിവയാണ് പുതിയ ആപ്പിള്‍ സ്റ്റോറുകളുടെ ലൊക്കേഷനുകളായി പറയപ്പെടുന്നത്.
പുതിയ സ്റ്റോറുകളിലേക്ക് ആപ്പിള്‍ ഉദ്യോഗാര്‍ഥികളെ തെരഞ്ഞെടുത്തു തുടങ്ങിയതായി മണികണ്‍ട്രോളിന്റെ റിപ്പോര്‍ട്ടില്‍ പറയുന്നു. ദക്ഷിണേന്ത്യയില്‍ മറ്റെവിടെയെങ്കിലും പുതിയ ആപ്പിള്‍ സ്റ്റോര്‍ വരുമോയെന്ന് വ്യക്തമല്ല.
ഇന്ത്യയില്‍ ഐഫോണുകള്‍ക്ക് വലിയ വില്‍പനയാണ് ഇപ്പോള്‍ ദൃശ്യമാകുന്നത്. ഫിസിക്കല്‍ സ്റ്റോറുകള്‍ ആപ്പിളിന്റെ ഐഫോണുകള്‍, ഐപാഡുകള്‍, മാക്കുകള്‍, ആപ്പിള്‍ വാച്ചുകള്‍ എല്ലാം പ്രദര്‍ശിപ്പിക്കുന്ന ഇടമാകും.
ഇന്ത്യക്ക് പുറമെ ഗള്‍ഫ് രാജ്യങ്ങളിലും കൂടുതല്‍ സ്റ്റോറുകള്‍ക്ക് ആപ്പിള്‍ ശ്രമിക്കുന്നതായാണ് റിപ്പോര്‍ട്ട്. ആഗോള വില്‍പന ഊര്‍ജിതമാക്കുന്നതിന്റെ ഭാഗമായി ജപ്പാനിലെ ഒസാക്കയില്‍ പുതിയ സ്റ്റോര്‍ ആപ്പിള്‍ തുറന്നിട്ടുണ്ട്.