ന്യൂഡല്ഹി: രണ്ട് പുതിയ ഫോണുകള് വിപണിയില് അവതരിപ്പിക്കാന് ഒരുങ്ങി പ്രമുഖ സ്മാര്ട്ട്ഫോണ് നിര്മ്മാതാക്കളായ ഓപ്പോ. റെനോ 12 ഫൈവ് ജി, റെനോ 12 പ്രോ ഫൈവ് ജി എന്നി മോഡലുകളാണ് വിപണിയില് അവതരിപ്പിക്കാന് ഒരുങ്ങുന്നത്. ആര്ട്ടിഫിഷ്യല് ഇന്റലിജന്സ് അധിഷ്ഠിത കാമറയാണ് ഈ രണ്ടു ഫോണിന്റെയും പ്രത്യേകത.
എഐ ബെസ്റ്റ് ഫേസ്, എഐ ഇറേസര് 2.0, എഐ സ്റ്റുഡിയോ, എഐ ക്ലിയര് ഫേസ് എന്നിങ്ങനെ പേരുകളിലായിരിക്കും കാമറ. ഫോട്ടോ എഡിറ്റിംഗിന്റെ ആവശ്യകത ഇല്ലാതാക്കുന്നു എന്നതാണ് ഇതിന്റെ പ്രധാന സവിശേഷത.
വരാനിരിക്കുന്ന റെനോ 12 സീരീസില് എഐ സാങ്കേതികവിദ്യയാണ് ഏറ്റവും പുതിയ മാറ്റം. ഫ്ലിപ്പ്കാര്ട്ടിലൂടെ ഫോണ് ലഭ്യമാകും. 50എംപി മെയിന് സെന്സറും 50എംപി സെല്ഫി ഷൂട്ടറും ഉള്പ്പെടെ ആകര്ഷകമായ കാമറ ഫീച്ചറുകള് ഫോണ് വാഗ്ദാനം ചെയ്യും.
ജൂലൈ 12ന് ഓപ്പോ റെനോ 12 സീരിസ് ഇന്ത്യന് വിപണിയില് അവതരിപ്പിക്കുമെന്നാണ് റിപ്പോര്ട്ടുകള്. ഒറ്റ സ്റ്റോറേജ് വേരിയന്റിലായിരിക്കും റെനോ 12 ഇറങ്ങാന് സാധ്യത. എന്നാല് റെനോ 12 പ്രോ രണ്ടു സ്റ്റോറേജ് വേരിയന്റുകള് അവതരിപ്പിച്ചേക്കും.