ഓപ്പോ റെനോ 14 സീരീസ് ആഗോളതലത്തില്‍ അവതരിപ്പിക്കും

കഴിഞ്ഞ ആഴ്ച ചൈനയില്‍ ഓപ്പോ റെനോ 14 സീരീസ് അനാച്ഛാദനം ചെയ്തു, തിരഞ്ഞെടുത്ത ആഗോള വിപണികളില്‍ അവ ഉടന്‍ ലഭ്യമാകുമെന്ന് പ്രതീക്ഷിക്കുന്നു. റെനോ 14 ഗ്ലോബല്‍ പതിപ്പുകള്‍ സംയോജിത ഗൂഗിള്‍ ജെമിനി സവിശേഷതകളോടെ വരുമെന്ന് കമ്പനി സ്ഥിരീകരിച്ചു. ഓപ്പോ നോട്ട്‌സ്, ഓപ്പോ കലണ്ടര്‍, ഓപ്പോ ക്ലോക്ക് എന്നിവയുള്‍പ്പെടെയുള്ള ഓപ്പോയുടെ കോര്‍ ആപ്പുകളില്‍ ഗൂഗിളിന്റെ ജെമിനി എഐ സംയോജിപ്പിച്ചായിരിക്കും ഓപ്പോ റെനോ 14 സീരീസ് ആഗോളതലത്തില്‍ പുറത്തിറങ്ങുക എന്ന് കമ്പനി ഒരു പത്രക്കുറിപ്പിലൂടെ അറിയിച്ചിട്ടുണ്ട്. ചൈനീസ് കൗണ്ടര്‍പാര്‍ട്‌സിന്  സമാനമായി ആന്‍ഡ്രോയിഡ് 15 അധിഷ്ഠിത കളര്‍ ഒഎസ് 15 ഉപയോഗിച്ചാണ് ഗ്ലോബല്‍ വേരിയന്റുകള്‍ പുറത്തിറക്കുക.

ഗൂഗിള്‍ ജെമിനി സംയോജനത്തോടെ, ഓപ്പോ റെനോ 14 സീരീസ് ഉപയോക്താക്കള്‍ക്ക് ജെമിനി ചാറ്റില്‍ 'വിവരങ്ങള്‍ പുള്‍ ചെയ്യാനും ടാസ്‌ക്കുകള്‍ നേരിട്ട് പൂര്‍ത്തിയാക്കാനും' ഒരൊറ്റ പ്രോംപ്റ്റ് ഉപയോഗിച്ച് കഴിയും. 'സൈഡ് ബട്ടണ്‍' അമര്‍ത്തിപ്പിടിച്ചുകൊണ്ട് ചാറ്റ് സജീവമാക്കാം. ഇത് പവര്‍ ബട്ടണെയും സൂചിപ്പിക്കാം, കാരണം റെനോ 14 ഹാന്‍ഡ്സെറ്റുകളുടെ ചൈനീസ് പതിപ്പുകളില്‍ വോളിയം റോക്കര്‍ ഒഴികെ മറ്റ് ഫംഗ്ഷണല്‍ ബട്ടണുകളൊന്നുമില്ല.