Anil Puthuvayal

ഓണമെത്തി

ഓണമെത്തി ചന്തമൊട്ടും കുറയാതെ, ചോരാതെ ഉൾപ്പൂവിടർത്തിവന്നെത്തി ചിന്തകൾ! മാഴ്കിമറഞ്ഞു പഴകിയെന്നോർ‍മ്മകൾ പിന്നോട്ട് പൂവിറുക്കാനോടി ബാല്യകാലം! പൂക്കാലമില്ലാതെ, പൂവിളിയില്ലാതെ, പൂന്തോപ്പുമില്ലാതിന്നോണമെത്തിടുമ്പോൾ, പൂത്തുമ്പിയെങ്ങോ മറഞ്ഞു മനസ്സിന്റെ, ചില്ലയിൽ‍ പാടുന്നുണ്ടൊരോണപ്പക്ഷി! ചിറകുകുടഞ്ഞും തപിച്ചും ശ്രാവണക്കിളികൾ‍ തിരഞ്ഞു തളിർ‍മാമരങ്ങൾ. ഒടുവിലെ ഓർമ്മയിൽ‍ കൂട്ടിരിപ്പാണാരോ,ഒരു കൊമ്പിൽ‍ കെട്ടുവാൻ‍ വള്ളിയൂഞ്ഞാൽ!