റമദാൻ - 1 - ഫെബ്രുവരി 19 ന് സാധ്യത, വിശുദ്ധ റമദാൻ മാസത്തിനൊരുങ്ങി ഒമാൻ

മസ്കത്ത് - വിശുദ്ധ റമദാൻ മാസത്തിനൊരുങ്ങി ഒമാൻ. ജ്യോതിശാസ്ത്ര വിദഗ്ധർ 2026 ഫെബ്രുവരി 19 വ്യാഴാഴ്ച റമദാൻ ഒന്ന് ആവാൻ സാധ്യതയുള്ളതായി പറയുന്നു. ഔദ്യോഗിക പ്രഖ്യാപനം ഒമാൻ  എൻഡോവ്‌മെന്റ്സ് ആൻഡ് റിലീജിയസ് അഫയേഴ്‌സ് മന്ത്രാലയത്തിന്റെ ഔപചാരിക മാസപ്പിറവി ദർശനത്തിന് വിധേയമാണെങ്കിലും, നിലവിലെ ശാസ്ത്രീയ ഡാറ്റ സൂചിപ്പിക്കുന്നത് ഷഅബാൻ മാസം മുപ്പത്  പൂർത്തിയാക്കുമെന്നാണ്.

അന്താരാഷ്ട്ര ജ്യോതിശാസ്ത്ര കേന്ദ്രവും പ്രാദേശിക നിരീക്ഷകരും അഭിപ്രായപ്പെടുന്നത് പ്രകാരം മിക്ക ഇസ്ലാമിക രാജ്യങ്ങളും ഫെബ്രുവരി 17 ചൊവ്വാഴ്ച മാസപ്പിറവി ദർശനത്തിന് ഒത്തുകൂടുമെങ്കിലും, സാങ്കേതികമായി അസാധ്യമാണെന്ന് വിലയിരുത്തുന്നു. 

അറബ് ലോകത്തിന്റെ മിക്ക ഭാഗങ്ങളിലും സൂര്യനോടൊപ്പം ചന്ദ്രൻ ഏതാണ്ട് ഒരേ സമയം അസ്തമിക്കുന്നതിനാൽ നഗ്നനേത്രങ്ങൾക്കോ ​​നൂതന ടെലിസ്കോപ്പിക് ഉപകരണങ്ങൾക്കോ ​​പോലും ചന്ദ്രക്കല ദൃശ്യമാകാനുള്ള സമയമില്ല എന്നും,അതിനാൽ തന്നെ ഫെബ്രുവരി 18 ബുധനാഴ്ച ഷഅബാൻ 30 പൂർത്തിയാക്കി 19 വ്യാഴാഴ്ച വ്രതാനുഷ്ഠാനത്തിന്റെ ആദ്യ ദിവസമാകുമെന്നും കണക്കാക്കപ്പെടുന്നു. ശാഫി എം.കെ