/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/20/choksi-2025-12-20-17-38-27.jpg)
വാഷിങ്ടണ്: ലൈംഗിക കുറ്റവാളിയായിരുന്ന ജെഫ്രി എപ്സ്റ്റീന്റെ ശേഖരത്തില് നിന്ന് യുഎസ് ഹൗസ് ഡെമോക്രാറ്റുകള് കൂടുതല് ചിത്രങ്ങള് പുറത്തുവിട്ടതോടെ പല വമ്പന്മാരും കുടുങ്ങുമെന്ന റിപ്പോര്ട്ടുകളാണ് പുറത്തുവരുന്നത്.
പ്രശസ്ത ഭാഷാശാസ്ത്രജ്ഞന് നോം ചോംസ്കി, മൈക്രോസോഫ്റ്റ് സ്ഥാപകന് ബില് ഗേറ്റ്സ് എന്നിവര് ഉള്പ്പെടെയുള്ള പ്രമുഖര് എപ്സ്റ്റീനുമായി നില്ക്കുന്ന ചിത്രങ്ങളാണ് പുതുതായി പുറത്തുവന്നത്. നേരത്തെ ആന്ഡ്രു രാജകുമാരന് അടക്കമുള്ളവരുടെ ചിത്രങ്ങളും പുറത്തുവന്നിരുന്നു.
ഏകദേശം 68 ചിത്രങ്ങളാണ് ഇപ്പോള് പുറത്തുവിട്ടിരിക്കുന്നത്. എപ്സ്റ്റീന്റെ പക്കല് നിന്ന് കണ്ടെടുത്ത 95,000-ത്തോളം ചിത്രങ്ങളുടെ വലിയ ശേഖരത്തിന്റെ ഭാഗമാണിത്. ഒരു വിമാനത്തിനുള്ളില് എപ്സ്റ്റീനൊപ്പം ഇരിക്കുന്ന ചോംസ്കിയുടെ രണ്ട് ചിത്രങ്ങളും, തിരിച്ചറിയാത്ത ഒരു സ്ത്രീക്കൊപ്പം നില്ക്കുന്ന ബില് ഗേറ്റ്സിന്റെ ചിത്രവുമാണ് ഇതില് പ്രധാനം.
Also Read:
ചലച്ചിത്ര സംവിധായകന് വുഡി അല്ലന്, ട്രംപിന്റെ മുന് തന്ത്രജ്ഞന് സ്റ്റീവ് ബാനന് എന്നിവരുടെ ചിത്രങ്ങളും ഈ കൂട്ടത്തിലുണ്ട്. നേരത്തെ പുറത്തുവിട്ട ചിത്രങ്ങളില് മുന് പ്രസിഡന്റുമാരായ ഡൊണാള്ഡ് ട്രംപ്, ബില് ക്ലിന്റണ്, ബ്രിട്ടനിലെ ആന്ഡ്രൂ രാജകുമാരന് എന്നിവര് ഉള്പ്പെട്ടിരുന്നു.
റഷ്യ, യുക്രെയ്ന് ഉള്പ്പെടെയുള്ള വിവിധ രാജ്യങ്ങളിലെ പാസ്പോര്ട്ടുകള്, വിസകള് എന്നിവയുടെ ചിത്രങ്ങളും പുറത്തുവിട്ടു. പെണ്കുട്ടികളെ ആവശ്യമുണ്ടെന്ന തരത്തിലുള്ള ഒരു വാട്സ്ആപ്പ് സന്ദേശത്തിന്റെ സ്ക്രീന്ഷോട്ടും ഇതില് ഉള്പ്പെടുന്നു. 'ലോലിത' എന്ന നോവലിലെ വരികള് പച്ചകുത്തിയ ഒരു സ്ത്രീയുടെ പാദത്തിന്റെ ചിത്രവും ഇതിലുണ്ട്.
ഡെമോക്രാറ്റുകള് വിവരങ്ങള് സുതാര്യമായി പുറത്തുവിടുകയാണെന്ന് അവകാശപ്പെടുമ്പോള്, തങ്ങള്ക്ക് താല്പ്പര്യമുള്ളവ മാത്രം തിരഞ്ഞുപിടിച്ച് പുറത്തുവിട്ട് തെറ്റായ ചിത്രം നല്കാനാണ് ഡെമോക്രാറ്റുകള് ശ്രമിക്കുന്നതെന്ന് റിപ്പബ്ലിക്കന് പാര്ട്ടി ആരോപിക്കുന്നു.
വെള്ളിയാഴ്ചയ്ക്കകം എപ്സ്റ്റീനുമായി ബന്ധപ്പെട്ട എല്ലാ ഫയലുകളും പുറത്തുവിടാന് യുഎസ് നീതിന്യായ വകുപ്പിന് നിയമപരമായ സമയപരിധിയുണ്ട്.
വെട്ടിലായി ക്ലിന്റണും ആന്ഡ്രു രാജകുമാരനും:
ജെഫ്രി എപ്സ്റ്റിനുമായി ബന്ധപ്പെട്ട ഫയലുകള് പുറത്തു വരുന്നത് തുടരുന്നതിനിടെ ഏറ്റവുമധികം വെട്ടിലായത് മുന് പ്രസിഡന്റ് ബില് ക്ലിന്റണ്. ആന്ഡ്രു രാജകുമാരന് ഉള്പ്പെടെ ഉള്ളവരാണ്.
വെള്ളിയാഴ്ച്ച പുറത്ത വിട്ട രേഖകളില് ഇവരെ സംബന്ധിച്ചുള്ള നിരവധി കാര്യങ്ങളാണ് പരാമര്ശിക്കപ്പെടുന്നത്. മുന് അമേരിക്കന് പ്രസിഡന്റ് ബില് ക്ലിന്്ണ് നീന്തല്ക്കുളത്തില് കിടക്കുന്ന ഒരു ചിത്രം പുറത്തുവിട്ടു. രണ്ട് പേരോടൊപ്പം നീന്തുന്ന ചിത്രമാണ്. മറച്ചിട്ടുണ്ട്. എപ്സ്റ്റീന്റെ കൂട്ടാളിയായ ഗിസ്ലെയ്ന് മാക്സ്വെ ലിനോ ടൊപ്പമുള്ളതാണ്. ഈ ചിത്രം.
മറ്റൊരു ചിത്രം ബ്രിട്ടണിലെ ആന്ഡ്രൂ രാജകുമാരന്റേതാണ്. എപ്സ്റ്റീനുമായുള്ള ആന്ഡ്രൂവിന്റെ ബന്ധത്തെക്കുറിച്ചുള്ള വിവാദങ്ങള്ക്കിടെ ബ്രിട്ടീഷ് രാജാവ് ആന്ഡ്രൂവിനെ രാജകീയ പദവികളില് നിന്ന് പുറത്താക്കാനുള്ള നടപടികള് സ്വീകരിച്ചിരുന്നു. ഇതിനിടയാണ് ഇന്ന് പുറത്തുവിട്ട ഫലയുകളില് ആന്ഡ്രു സ്ത്രീകള്ക്ക് നടുവില് ഇരിക്കുന്ന ചിത്രം പുറത്തു വന്നിരിക്കുന്നത്.
കൂടുതല് രേഖകള് പുറത്തു വിടാന് രണ്ടാഴ്ച്ചയിലധികം എടുത്തേക്കാമെന്ന് ഡപ്യൂട്ടി അറ്റോര്ണി ജനറല്:
ഫയലുകള് പൂണ മായി പുറത്തു വിടാന് രണ്ടാഴ്ച്ച വരെ സമയം എടുത്തേക്കുമെന്ന് ജസ്റ്റിസ് ഡിപ്പാര്ട്ട്മെന്റ്.
അന്വേഷണ ഫയലുകളില് നിന്ന് ''ലക്ഷക്കണക്കിന് രേഖകള് ജസ്റ്റിസ് ഡിപ്പാര്ട്ട്മെന്റ് പുറത്തുവിടുമെന്ന് ഡെപ്യൂട്ടി അറ്റോര്ണി ജനറല് ടോഡ് ബ്ലാഞ്ച് പറഞ്ഞു. വെള്ളിയാഴ്ച്ച പുറത്തു വിടുന്നതിനു പുറമേ ഇനിയും കൂടുതല് ഫയലുകള് പുറത്തുവിടാനുണ്ട്.
എപ്സ്റ്റീനെതിരെയുള്ള എല്ലാ അന്വേഷണങ്ങളുമായി ബന്ധപ്പെട്ട ഫോട്ടോഗ്രാഫുകളും മറ്റ് വസ്തുക്കളും പുറത്തു വിടുമെന്ന് ബ്ലാഞ്ച് ഫോക്സ് ന്യൂസിനോട് പറഞ്ഞു.അടുത്ത രണ്ടാഴ്ചയ്ക്കുള്ളില് ലക്ഷക്കണക്കിന് ഫയലുകള് പുറത്തു വരുമെന്നും അദ്ദേഹം പറഞ്ഞു.
ഇരകളെക്കുറിച്ചുള്ള വിവരങ്ങള് മറച്ചുവെക്കണമെന്ന് ആവശ്യപ്പെടുന്ന നിയമം പാലിക്കുന്നതിനാണ് ഫയലുകള് പുറത്തുവിടാന് കാലതാമസം എന്ന് ബ്ലാഞ്ചെ അഭിപ്രായപ്പെട്ടു. പുറത്തുവിടുന്ന ഓരോ ഫയലുകളും പരിശോധിച്ച് ഓരോ ഇരയുടെയും പേര്., തിരിച്ചറിയല് വിവര ങ്ങള് എന്നിവ പൂര്ണമായി.മറച്ചാണ് പുറത്തിറക്കുന്നതെന്ന് ഉറപ്പാക്കു കയാണെന്നും ബ്ലാഞ്ചെ പറഞ്ഞു.
എന്താണ് 'എപ്സ്റ്റീന് ഫയല്സ് ട്രാന്സ്പരന്സി ആക്ട്'?
അടുത്തിടെ അമേരിക്കന് കോണ്ഗ്രസ് പാസാക്കിയ ഒരു നിയമമാണിത്. ജെഫ്രി എപ്സ്റ്റീന്റെ മരണത്തിന് ശേഷം വര്ഷങ്ങള് കഴിഞ്ഞിട്ടും, കേസിനെ സംബന്ധിച്ച പല നിര്ണ്ണായക വിവരങ്ങളും രഹസ്യമായി തുടരുകയായിരുന്നു. ഈ വിവരങ്ങള് പൊതുജനങ്ങള്ക്ക് ലഭ്യമാക്കണമെന്ന് ഈ നിയമം വ്യവസ്ഥ ചെയ്യുന്നു. ഇതനുസരിച്ചാണ് ഇപ്പോള് നീതിന്യായ വകുപ്പ് ഫയലുകള് പുറത്തുവിടാന് ഒരുങ്ങുന്നത്.
പുതിയ ചിത്രങ്ങളിലെ പ്രധാനികള്:
പുതുതായി പുറത്തുവന്ന വിവരങ്ങള് പ്രമുഖ വ്യക്തികളുടെ പ്രതിച്ഛായയെ എങ്ങനെയൊക്കെ ബാധിക്കുന്നു എന്ന് നോക്കാം:
നോം ചോംസ്കി: ലോകപ്രശസ്തനായ ബുദ്ധിജീവിയും എഴുത്തുകാരനുമായ ചോംസ്കി, എപ്സ്റ്റീനുമായി അക്കാദമിക് കാര്യങ്ങള് ചര്ച്ച ചെയ്തിരുന്നുവെന്ന് മുന്പ് സമ്മതിച്ചിട്ടുണ്ട്. എന്നാല് വിമാനത്തിനുള്ളിലെ പുതിയ ചിത്രങ്ങള് ഇവരുടെ ബന്ധം കൂടുതല് ആഴത്തിലുള്ളതായിരുന്നു എന്ന സംശയത്തിന് ഇടയാക്കുന്നു.
ബില് ഗേറ്റ്സ്: എപ്സ്റ്റീനുമായുള്ള കൂടിക്കാഴ്ചകള് തന്റെ ജീവിതത്തിലെ വലിയ തെറ്റായിരുന്നു എന്ന് ഗേറ്റ്സ് മുന്പ് പറഞ്ഞിട്ടുണ്ട്. പുതിയ ചിത്രങ്ങളില് അദ്ദേഹം എപ്സ്റ്റീന്റെ വീട്ടില് നടന്ന വിരുന്നുകളില് പങ്കെടുത്തതിന്റെ കൂടുതല് തെളിവുകളാണുള്ളത്.
മറ്റു രാജ്യങ്ങളുമായുള്ള ബന്ധം: വിദേശ പാസ്പോര്ട്ടുകളും വിസകളും സൂചിപ്പിക്കുന്നത് എപ്സ്റ്റീന് അന്താരാഷ്ട്ര തലത്തില് വലിയൊരു ശൃംഖല ഉണ്ടായിരുന്നു എന്നാണ്.
രാഷ്ട്രീയ മാനങ്ങള്
അമേരിക്കന് രാഷ്ട്രീയത്തില് ഈ വെളിപ്പെടുത്തലുകള് വലിയ ചര്ച്ചയാകാന് ചില കാരണങ്ങളുണ്ട്:
തിരഞ്ഞെടുപ്പ് സ്വാധീനം: ഡൊണാള്ഡ് ട്രംപിന്റെയും ബില് ക്ലിന്റന്റെയും പേരുകള് ഈ കേസില് ഉള്ളതുകൊണ്ട് തന്നെ, വരാനിരിക്കുന്ന തിരഞ്ഞെടുപ്പുകളില് ഇതൊരു പ്രധാന ആയുധമാകും.
രഹസ്യങ്ങള് വെളിപ്പെടുമോ?: എപ്സ്റ്റീന്റെ കൂട്ടുപ്രതിയായിരുന്ന ഗിസ്ലെയ്ന് മാക്സ്വെല് ഇപ്പോള് ജയിലിലാണ്. പുറത്തുവരുന്ന ഫയലുകളില് നിന്ന് ഇവര് ആരെയൊക്കെ സഹായിച്ചു എന്നതിനെക്കുറിച്ച് കൂടുതല് വ്യക്തത ലഭിക്കുമെന്ന് കരുതപ്പെടുന്നു.
ഇരകളുടെ സ്വകാര്യത
ഈ ഫയലുകള് പുറത്തുവിടുമ്പോള് എപ്സ്റ്റീന്റെ ക്രൂരതകള്ക്ക് ഇരയായ സ്ത്രീകളുടെയും കുട്ടികളുടെയും വിവരങ്ങള് അതീവ രഹസ്യമായി സൂക്ഷിക്കണമെന്ന് നിയമം നിര്ദ്ദേശിക്കുന്നുണ്ട്. അതുകൊണ്ടാണ് പല ചിത്രങ്ങളിലും മുഖങ്ങള് മറച്ചിരിക്കുന്നത്
അടുത്തതായി എന്ത് സംഭവിക്കും? ഈ വെള്ളിയാഴ്ച നീതിന്യായ വകുപ്പ് നല്കുന്ന റിപ്പോര്ട്ടില് കൂടുതല് ഞെട്ടിക്കുന്ന വിവരങ്ങള് ഉണ്ടാകുമെന്നാണ് കരുതപ്പെടുന്നത്. അതില് എപ്സ്റ്റീന്റെ സാമ്പത്തിക ഇടപാടുകളെക്കുറിച്ചും, അദ്ദേഹത്തെ ആരെങ്കിലും ജയിലില് വച്ച് വധിച്ചതാണോ എന്നതിനെക്കുറിച്ചുള്ള സൂചനകളും ഉണ്ടോ എന്ന് ലോകം ഉറ്റുനോക്കുന്നു.