ഒമാൻ കടലിടുക്കിൽ കപ്പലുകൾ തമ്മിൽ കൂട്ടിയിടിച്ച് അപകടം; കപ്പലിൽ തീ പടരുന്നു

അബുദാബി: ഒമാൻ ഉൾക്കടലിൽ കപ്പലുകൾ കൂട്ടിയിടിച്ച് അപകടം. അഡലിൻ എന്ന എണ്ണക്കപ്പലും മറ്റൊരു കപ്പലുകളും കൂട്ടിയിടിച്ചാണ് അപകടം ഉണ്ടായത്. വലിയ അളവിൽ എണ്ണകൊണ്ട് പോകുന്ന കൂറ്റൻ മദർശിപ്പായിരുന്നു അഡലിൻ . ഉടൻ തന്നെ അടിയന്തരമായി ജീവനക്കാരെ കപ്പലിൽ നിന്ന് രക്ഷപ്പെടുത്തി. രണ്ട് കപ്പലിൽ നിന്നുമായി 24 ജീവനക്കാരെ രക്ഷപ്പെടുത്തിയതായി യുഎഇ ദേശീയ സുരക്ഷാസേനയിലെ തീരദേശ സുരക്ഷ വിഭാഗം അറിയിച്ചു.

യുഎഇയുടെ 24 നോട്ടിക്കൽ മൈൽ അകലെ, ഒമാൻ ഉൾക്കടലിലാണ് അപകടം ഉണ്ടായതെന്ന് ദേശീയ സുരക്ഷാ സേന അറിയിച്ചു. സംഭവം അറിഞ്ഞ ഉടൻ തന്നെ രക്ഷാപ്രവർത്തന ബോട്ടുകൾ സ്ഥലത്തെത്തിയിരുന്നു. എല്ലാ ജീവനക്കാരെയും രക്ഷപ്പെടുത്തി ഖോർഫക്കാൻ തുറമുഖത്തെത്തിച്ചു.

ഇറാൻ നിയന്ത്രണത്തിലുള്ള ഹൊർമൂസ് കടലിടുക്കിന് സമീപത്തായാണ് അപകടം ഉണ്ടായത്. എന്നാൽ അപകടം ഉണ്ടായ മേഖല ഒമാന്റെ നിയന്ത്രണത്തിൽ തന്നെയാണ്. കപ്പലിന്റെ എന്ന ടാങ്കറിന് തീ പിടിച്ചു എന്ന വാർത്തകളും വരുന്നുണ്ട്. അപകടം എങ്ങനെ സംഭവിച്ചു എന്നത്തിൽ ഇപ്പോഴും വ്യക്തത വന്നിട്ടില്ല.