/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/09/10/upa-2025-09-10-15-06-45.jpg)
ന്യൂഡല്‍ഹി : ഇന്ത്യയുടെ പുതിയ ഉപരാഷ്ട്രപതിയായി തിരഞ്ഞെടുക്കപ്പെട്ട സി പി രാധാകൃഷ്ണന് സുരക്ഷാ ഭീഷണിയുള്ളതായി ഇന്റലിജന്‍സ് റിപ്പോര്‍ട്ട്. രാജ്യത്തെ രണ്ടാമത്തെ ഉയര്‍ന്ന ഭരണഘടനാ പദവിയില്‍ ഇരിക്കുന്ന ഉപരാഷ്ട്രപതിക്ക് സുരക്ഷ ശക്തമാക്കുമെന്ന് കേന്ദ്ര ആഭ്യന്തരമന്ത്രാലയം അറിയിച്ചു. സി പി രാധാകൃഷ്ണന് ഇസഡ് പ്ലസ് കാറ്റഗറി സുരക്ഷ നല്‍കാനാണ് ആഭ്യന്തരമന്ത്രാലയം ഉത്തരവിട്ടിട്ടുള്ളത്.
Also Read:
ഉപരാഷ്ട്രപതിയുടെ സുരക്ഷ കേന്ദ്ര റിസര്‍വ് പൊലീസ് സേന ഏറ്റെടുക്കും. എലൈറ്റ് വിഐപി സുരക്ഷാ വിഭാഗത്തിലെ സായുധ സിആര്‍പിഎഫ് കമാന്‍ഡോകള്‍ക്കായിരിക്കും ഇനി സിപി രാധാകൃഷ്ണന്റെ സുരക്ഷയുടെ ഉത്തരവാദിത്തം. അതോടൊപ്പം ആക്സസ് കണ്‍ട്രോള്‍, ചുറ്റളവ് പരിശോധനകള്‍, പുറം കോര്‍ഡണ്‍ എന്നിവ കൈകാര്യം ചെയ്യുന്നത് ഡല്‍ഹി പോലീസ് തുടരുന്നതാണ്.
ഇന്ത്യയിലെ ഏറ്റവും ഉയര്‍ന്ന സുരക്ഷാ വിഭാഗങ്ങളിലൊന്നാണ് ഇസഡ് പ്ലസ് കാറ്റഗറി സുരക്ഷ. കമാന്‍ഡോകള്‍, എസ്‌കോര്‍ട്ടുകള്‍, സപ്പോര്‍ട്ട് സ്റ്റാഫ് എന്നിവരുള്‍പ്പെടെ 55-ലധികം സായുധ ഉദ്യോഗസ്ഥരെ ആണ് ഈ കാറ്റഗറിയില്‍ സുരക്ഷയ്ക്കായി വിന്യസിക്കുക. തീവ്രവാദ വിരുദ്ധ പ്രവര്‍ത്തനങ്ങള്‍, ക്ലോസ് കോംബാറ്റ്, ഒഴിപ്പിക്കല്‍ ഡ്രില്ലുകള്‍, ഉയര്‍ന്ന ഭീഷണിയുള്ള പ്രതികരണങ്ങള്‍ എന്നിവയില്‍ പ്രത്യേക പരിശീലനം നേടിയിട്ടുള്ള ഉദ്യോഗസ്ഥരെ ആയിരിക്കും സുരക്ഷ ചുമതലയില്‍ വിന്യസിക്കുക.