2021 kia seltos and sonet launch in may

പുത്തൻ ലോഗോയുമായി കിയ സെൽറ്റോസും, സോനെറ്റും മെയ് ആദ്യവാരം മുതൽ

ആഗോള വിപണിയിൽ വളർച്ചയുടെ പ്രധാന വഴിത്തിരിവിൽ എത്തി നിൽക്കുന്ന കിയ മോട്ടോർസ് ലോഗോയിൽ കാര്യമായ മാറ്റം വരുത്തി കൂടുതൽ യുവത്വമുള്ള ബ്രാൻഡ് ആയി മാറാനുള്ള തയ്യാറെടുപ്പിലാണ്. കിയ മോട്ടോർസ് തങ്ങളുടെ പുതിയ കോർപ്പറേറ്റ് ലോഗോയും ബ്രാൻഡ് ഫിലോസഫിയും 'മൂവ്മെന്റ്സ് ദാറ്റ് ഇൻസ്പയർ' ഇന്ത്യയിൽ പുറത്തിറക്കി. കിയ സെൽറ്റോസ്, സോനെറ്റ് മോഡലുകളുടെ പുതുക്കിയ പതിപ്പുകൾ 2021 മെയ് ആദ്യ വാരത്തിൽ കമ്പനി പുറത്തിറക്കും. പുതിയ ബ്രാൻഡ് ലോഗോയിലാണ് ഇരു മോഡലുകളും കിയ പുറത്തിറക്കുക. നിരവധി പരിഷ്കരിച്ച സവിശേഷതകളുമായാണ് സെൽറ്റോസിന്റെയും, സോനെറ്റിന്റെയും വരവ്. കിയ ഇന്ത്യയിൽ ആദ്യമായി പുറത്തിറക്കിയ മോഡലാണ് സെൽറ്റോസ്. 2021 മാര്‍ച്ചില്‍ കിയ 8,498 യൂണിറ്റ് സോണറ്റ് എസ്യുവികള്‍ വിറ്റു.