Hash Future From Tomorrow: Experts The bureaucracy is also taking part in discussions

ഹാഷ് ഫ്യൂച്ചര്‍ നാളെ മുതല്‍: വിദഗ്ധരുമായി ഉദ്യോഗസ്ഥ തല ചര്‍ച്ചകള്‍ക്കും അരങ്ങൊരുങ്ങുന്നു

കൊച്ചി: വൈജ്ഞാനിക ഡിജിറ്റല്‍ വളര്‍ച്ചയുടെ അനന്തസാധ്യതകളിലേക്ക് സംസ്ഥാനത്തെ മുന്നോട്ടുനയിക്കാന്‍ ലക്ഷ്യമിട്ട് നാളെ തുടങ്ങുന്ന ഡിജിറ്റല്‍ ഉച്ചകോടിയായ ഹാഷ് ഫ്യൂച്ചറില്‍ നിശ്ചയിച്ചിട്ടുള്ള ചര്‍ച്ചകള്‍ക്കുപരിയായി മുതിര്‍ന്ന സര്‍ക്കാര്‍ ഉദ്യോഗസ്ഥരുമായി ആശയവിനിമയത്തിന് വിദഗ്ധരുടെ പ്രത്യേക സമിതികള്‍ രൂപീകരിച്ചു. ഹാഷ് ഫ്യൂച്ചറിനെ അടിസ്ഥാനമാക്കി സംസ്ഥാനത്തിന്റെ ഭാവി പരിപാടികളായിരിക്കും ചര്‍ച്ചാ വിഷയമാകുന്നത്. ഗതാഗതം, വിവരശേഖരം, ആരോഗ്യപരിരക്ഷ, വിദ്യാഭ്യാസം, നൈപുണ്യം, സാങ്കേതികവിദ്യ, ബാങ്കിംഗ്, ധനകാര്യം, ചില്ലറവിപണി എന്നീ മേഖലകളിലെ ലോകപ്രശസ്തരായ വിദഗ്ധരാണ് ഹാഷ് ഫ്യൂച്ചറിനെത്തുന്നത്. ഇവരില്‍ ചിലര്‍ വിദേശത്ത് പേരെടുത്ത മലയാളികളാണ്.