menstrual irregularitiesm health

കൗമാരക്കാരിലെ ക്രമംതെറ്റിയ മാസമുറ; ആശങ്ക വേണോ?

പെണ്‍കുട്ടികള്‍ക്ക് ആര്‍ത്തവം ആരംഭിക്കുന്നത് സാധാരണ 10 നും 15 വയസ്സിനും ഇടയ്ക്കാണ്. 10 വയസ്സിനു മുമ്പ് ആര്‍ത്തവം തുടങ്ങുകയാണെങ്കിലും 15 വയസ്സിനു ശേഷം ആര്‍ത്തവം വന്നിട്ടില്ലെങ്കിലും അതിനു പ്രാധാന്യം കൊടുക്കേണ്ടതാണ്. പല പെണ്‍കുട്ടികള്‍ക്കും 10 വയസ്സിനു മുമ്പ് ആര്‍ത്തവം വരുന്നതായി കാണുന്നു. മെച്ചപ്പെട്ട ജീവിത സാഹചര്യവും വ്യായാമക്കുറവും കൊണ്ട് പെണ്‍കുട്ടികള്‍ക്കും ആണ്‍കുട്ടികള്‍ക്കും ചെറുപ്രായത്തില്‍ തന്നെ അമിത ശരീരഭാരം ഉണ്ടാകുന്നു. ശരീരപുഷ്ടി വളരെ കൂടുതലായാല്‍ ആര്‍ത്തവം നേരത്തേ വരാം, എന്നിരുന്നാലും 10 വയസ്സിനു മുമ്പ് വരുമ്പോള്‍ ഒരു ഗൈനക്കോളജിസ്റ്റിനെ കണ്ട് അഭിപ്രായം തേടുന്നത് നല്ലതാണ്. 15 വയസ്സിനു ശേഷവും മാസമുറ വന്നില്ലെങ്കിലും അതുപോലെത്തന്നെ ശ്രദ്ധിക്കണം.