Mother of rats

കര്‍ണി മാതാ ക്ഷേത്രം

മൂഷികരെ ആരാധിക്കുന്ന ക്ഷേത്രം. ഇന്ത്യയിൽ ഓരോ ആരാധനയ്ക്കും പ്രശസ്തി നേടിയ അമ്പലങ്ങളുണ്ട്. രാജസ്ഥാനിലെ ബിക്കാനീറിനടുത്തുള്ള ദേഷ്‌നോക് കര്‍ണി മാതാ ക്ഷേത്രം എലികളെ ആരാധിക്കുന്നതില്‍ പ്രസിദ്ധമാണ്. ഇരുപതിനായിരത്തോളം വരുന്ന എലികളാണ് ഇവിടുത്തെ ദൈവകിങ്കരന്മാർ. പാകിസ്ഥാന്‍ അതിര്‍ത്തിയോട് ചേര്‍ന്നാണ് ദേഷ്‌നോക് സ്ഥിതിചെയ്യുന്നത്. ഒരുപാട് ഉത്സവങ്ങള്‍ക്കും പേരുകേട്ടതാണ് ഈ ചെറുഗ്രാമം.ദുര്‍ഗാദേവിയാണ് കര്‍ണിമാതാ ക്ഷേത്രത്തിലെ പ്രതിഷ്ഠ. ക്ഷേത്ര മതില്‍ക്കെട്ടിനകത്തെ മൂഷിക സേനയാണ് ഇന്ത്യയിലെ മറ്റ് ക്ഷേത്രങ്ങളില്‍ നിന്നും കര്‍ണി മാതാ ക്ഷേത്രത്തെ വ്യത്യസ്തമാക്കുന്നത്.