rivandrum

ഒ.എന്‍.വിക്ക് സ്മാരകം: നിര്‍മ്മാണസമിതിക്ക് ഉടന്‍ രൂപമാകും

കവി ഒ.എന്‍.വി കുറുപ്പിന് തലസ്ഥാനത്ത് സ്മാരകമൊരുക്കാന്‍ സാഹിത്യ അക്കാദമിയുടെ നേതൃത്വത്തില്‍ നിര്‍മ്മാണ സമിതിക്ക് ഉടന്‍ രൂപമാകും. നിര്‍മ്മാണ സമിതിയില്‍ സാഹിത്യ അക്കാദമി പ്രതിനിധിക്കൊപ്പം തത്പരരായ വ്യക്തികളെയും സംഘടനാ പ്രതിനിധികളെയും ഉള്‍പ്പെടുത്തണമെന്ന് സാഹിത്യ അക്കാദമി അദ്ധ്യക്ഷന്‍ വൈശാഖന്‍ മുഖ്യമന്ത്രിയോട് കത്തിലൂടെ ആവശ്യപ്പെട്ടിരുന്നു. ഇതിന്റെ മറുപടി ലഭിച്ചാലുടന്‍ സാംസ്‌കാരിക വകുപ്പിന്റെ നേതൃത്വത്തില്‍ സമിതി രൂപീകരിക്കും. എന്‍ജിനിയറിംഗ് രംഗത്തെയും സാഹിത്യസാംസ്‌കാരിക മേഖലയിലെയും പ്രമുഖര്‍ ഉള്‍പ്പെടുന്ന സമിതിയാകും സ്മാരകത്തിന്റെ പ്ലാന്‍ തീരുമാനിക്കുക.