Sooryarashipahalam 2017

സൂര്യരാശി ഫലം 2017

ഭാരതീയ ജ്യോതിഷത്തില്‍ ചന്ദ്രനാണ് പ്രാധാന്യം. കാരണം ഭാരതത്തില്‍, പ്രത്യേകിച്ച്, കേരളം ഒഴികെയുള്ള സംസ്ഥാനങ്ങളില്‍ ചന്ദ്രമാസമാണ് കണക്കാക്കുന്നത്. കേരളത്തിലും വിദേശങ്ങളിലും സൂര്യമാസവും. പ്രപഞ്ച പിതാവ് സൂര്യനാണ്. എല്ലാ ജീവജാലങ്ങളും സൂര്യന്റെ നിയന്ത്രണത്തിലാണ് ചലിക്കുന്നത്. അതുകൊണ്ടാണ് സൂര്യാധിഷ്ഠിതമായ രാശിക്ക് ജീവിതത്തില്‍ പ്രാധാന്യം ഏറുന്നത്. വര്‍ഷത്തില്‍ രണ്ടു ദിവസം, മാര്‍ച്ച് 22 സെപ്തംബര്‍ 22 തീയതികളില്‍ പകലും, രാത്രിയും തുല്യമാകുന്നു. അതിന് വിഷു എന്നു പറയുന്നു. കേരളത്തിലെ വിഷു ദിവസവും യഥാര്‍ത്ഥ വിഷുദിവസവും തമ്മില്‍ 24 ദിവസങ്ങളുടെ വ്യത്യാസമുണ്ട്. നാം വിഷു ആചരിക്കുന്നത് ഏപ്രില്‍ 14 നാണ്.