icici bank

ഐമൊബൈല്‍ പേ: 20 ലക്ഷം ഇതര ബാങ്ക് ഉപഭോക്താക്കള്‍ ഉപയോഗിക്കുന്നുവെന്ന് ഐസിഐസിഐ ബാങ്ക്

കൊച്ചി: ഇതര ബാങ്കുകളിലെ 20 ലക്ഷത്തിലധികം ഉപഭോക്താക്കള്‍ തങ്ങളുടെ നവീകരിച്ച മൊബൈല്‍ ബാങ്കിങ് ആപ്ലിക്കേഷനായ ഐമൊബൈല്‍ പേ ഉപയോഗിക്കുന്നുണ്ടെന്ന് ഐസിഐസിഐ ബാങ്ക് അറിയിച്ചു. ഇതര ബാങ്കുകളുടെ ഉപഭോക്താക്കള്‍ക്ക് അടക്കം എല്ലാവര്‍ക്കുമായി ഐമൊബൈല്‍ പേയില്‍ പ്രവേശനം നല്‍കിയ ശേഷം, വെറും അഞ്ച് മാസത്തിനുള്ളിലാണ് ബാങ്ക് ഈ നാഴികക്കല്ല് പിന്നിട്ടത്. പേ ടു കോണ്‍ടാക്റ്റ്, ബില്‍ പേയ്മെന്റ്സ്, സ്‌കാന്‍ ടു പേ തുടങ്ങി സവിശേഷമായ ഫീച്ചറുകളാണ് ഉപഭോക്താക്കള്‍ കൂടുതലായും ഉപയോഗിക്കുന്നത്. 2020 ഡിസംബറിലാണ്, ഐമൊബൈല്‍ പേ അവതരിപ്പിച്ചത്. ബാങ്കിങ് രംഗത്തെ ഇത്തരത്തിലുള്ള ആദ്യ സംരംഭത്തിലൂടെ, ഏത് ബാങ്കിന്റെയും ഉപയോക്താക്കളെ അവരുടെ അക്കൗണ്ട് ആപ്ലിക്കേഷനുമായി ലിങ്ക് ചെയ്യാനും, പേയ്മെന്റുകളും ഇടപാടുകളും ഡിജിറ്റലായി നടത്തുന്നതിനും ആപ് വഴിയൊരുക്കി. മഹാമാരിയുടെ പശ്ചാത്തലത്തില്‍ സേവിങ്സ് അക്കൗണ്ട്, ഭവനവായ്പ, ക്രെഡിറ്റ് കാര്‍ഡ്, വ്യക്തിഗത വായ്പ എന്നിവയുള്‍പ്പെടെ ഐസിഐസിഐ ബാങ്ക് സേവനങ്ങളുടെ മുഴുവന്‍ ശ്രേണിയിലേക്കുമുള്ള പ്രവേശനവും ആപിലൂടെ ലഭ്യമാക്കി.