Astrology

നവരാത്രി ; ഇന്ന് ദേവിയെ സ്കന്ദമാതാവായാണ് സങ്കല്‍പ്പപൂജ ചെയ്യേണ്ടത്

നവരാത്രി വൃതാനുഷ്ടാനത്തിന്റെ അഞ്ചാം ദിവസമായ ഇന്ന് (21/10/2020) ദേവിയെ അഞ്ചാമത്തെ ഭാവമായ സ്കന്ദമാതാവായാണ് സങ്കല്‍പ്പപൂജ ചെയ്യേണ്ടത്. നവരാത്രികാലത്തെ അഞ്ചാം ദിവസമായ പഞ്ചമിയില്‍ ദേവിയെ സ്കന്ദമാത ഭാവത്തിലാണ് ആരാധിക്കുന്നത്. പേര് സൂചിപ്പിക്കുന്നതുപോലെ സ്കന്ദനെ മടിയിലിരുത്തി ലാളിക്കുന്ന മാതൃഭാവമാണ് ദേവിക്ക്. ചതുർഭുജയും തൃനേത്രയുമാണ്‌ ദേവി. വലതുകൈകളിലൊന്നിൽ ആറു ശിരസ്സോടുകൂടിയ ബാലമുരുകനും മറ്റേതിൽ താമരപൂവുമാണ്. ഇടതുകൈകളില്‍ വരമുദ്രയും താമരപൂവും. സിംഹമാണ് വാഹനം.