Automobile

ടാറ്റ മോട്ടോഴ്സ് ഇന്ത്യയിലുട നീളമുള്ള ഉപഭോക്താക്കൾക്കായി വാർഷിക ഉപഭോക്തൃ ഇടപഴകൽ പദ്ധതിയായ ഗ്രഹക് സംവാദ് ആരംഭിക്കുന്നു

മുംബൈ: ഇന്ത്യയിലെ ഏറ്റവും വലിയ വാണിജ്യ വാഹന നിർമാതാക്കളായ ടാറ്റാ മോട്ടോഴ്സ് 1954 ൽ ടാറ്റ മോട്ടോഴ്സ് ജംഷഡ്പൂർ പ്ലാന്റിൽ നിന്ന് ആദ്യത്തെ ട്രക്ക് പുറത്തിറക്കിയ ദിവസത്തിന്റെ ഓർമയ്ക്കായി,ഒക്ടോബർ 23 ന് 'ദേശീയ ഉപഭോക്തൃ സംരക്ഷണ ദിനം' ആഘോഷിക്കും.ഉപഭോക്താക്കൾക്കായി നടത്തുന്ന വാർഷിക ഉപഭോക്തൃ-ഇടപഴകൽ പദ്ധതിയായ ഗ്രഹക് സംവാദ്, 2021 ഒക്ടോബർ 20 മുതൽ 28 വരെ നടക്കുമെന്നും ഇതിനോടൊപ്പം പ്രഖ്യാപിക്കും.കമ്പനിയുടെ നൂതന സേവനത്തെയും ഉൽപ്പന്ന ഓഫറുകളെയും കുറിച്ച് ഉപഭോക്താക്കളെ ബോധവൽക്കരിക്കുക എന്നതാണ് പരിപാടിയുടെ ലക്ഷ്യം.സങ്കീർണ്ണതയില്ലാത്ത യാത്ര അനുഭവം പങ്കു വയ്ക്കാൻ, ടാറ്റ മോട്ടോഴ്സിൽ നിന്നുള്ള എക്സിക്യൂട്ടീവുകൾ ഉപഭോക്താക്കളുമായി ആശയവിനിമയം നടത്തുകയും അവരുടെ പ്രതീക്ഷകൾ,പ്രധാന വിഷമങ്ങൾ എന്നിവ മനസിലാക്കുകയും പുതിയ നിർദ്ദേശങ്ങൾ ചോദിച്ചറിഞ്ഞ് അതിന്റെ തുടർ വിൽപ്പന സേവനം കൂടുതൽ കാര്യക്ഷമമാക്കുകയും ഉത്പന്നങ്ങളുടെ ഓഫറുകൾ മെച്ചപ്പെടുത്തുകയും ചെയ്യുന്നു.