delhi

ഡല്‍ഹിയില്‍ മുഴങ്ങിയത് പ്രതിഷേധം; കറുത്ത വസ്ത്രം ധരിച്ച് മന്ത്രി പഴനിവേല്‍ ത്യാഗരാജന്‍

കേന്ദ്ര സര്‍ക്കാര്‍ അവഗണനക്കെതിരെ ഡല്‍ഹിയില്‍ നടന്ന പ്രതിഷേധ സമരം ചരിത്രമായി. രണ്ട് മുഖ്യമന്ത്രിമാരും ഒരു മുന്‍ മുഖ്യമന്ത്രിയുമടക്കം ഒട്ടേറെ പ്രതിപക്ഷ രാഷ്ട്രീയ നേതാക്കളെ അണിനിരത്തി നടത്തിയ മൂന്ന് മണിക്കൂറോളം നീണ്ട പ്രതിഷേധ സമരത്തിന്റെ വേദിയില്‍ കേരളത്തിലെ മന്ത്രിമാരും ഭരണപക്ഷ എം.എല്‍.എമാരും എം.പിമാരും വിവിധ രാഷ്ട്രീയ നേതാക്കളും അണിനിരന്നു. വ്യാഴാഴ്ച രാവിലെ 10.30 ന് കേരളഹൗസില്‍ നിന്നും 'ഫെഡറലിസം സംരക്ഷിക്കാന്‍ കേരളത്തിന്റെ പോരാട്ടം' എന്ന ബാനറുമായി പ്രതിഷേധമാര്‍ച്ചായാണ് മുഖ്യമന്ത്രിയും നേതാക്കളും സമരവേദിയായ ജന്തര്‍ മന്തറില്‍ എത്തിയത്.