Automobile

ബുക്കിങ്ങിൽ കുതിച്ച് നിസാന്‍ മാഗ്‌നൈറ്റ്; 50,000 ബുക്കിംഗ് പിന്നിട്ടു

കൊച്ചി : ഏറ്റവും പുതിയ നിസാന്‍ മാഗ്‌നൈറ്റ് 2020 ഡിസംബര്‍ രണ്ടിന് പുറത്തിറക്കിയതു മുതല്‍ ഇതുവരെ 50,000 ത്തിലധികം ബുക്കിംഗുകളും 10,000 മൊത്ത ഡെലിവറികളും പിന്നിട്ടു. ബിഗ്, ബോള്‍ഡ് ആന്‍ഡ് ബ്യൂട്ടിഫുള്‍ എസ്യുവി രാജ്യത്തുടനീളം നിസ്സാന്‍ ഡീലര്‍ഷിപ്പുകളിലും ഓണ്‍ലൈന്‍ ഷോറൂം പോര്‍ട്ടലായ ഷോപ്പ് അറ്റ് ഹോമിലും ലഭ്യമാണ്. നിസ്സാന്‍ മാഗ്‌നൈറ്റിന് 2,78,000 ലധികം അന്വേഷണങ്ങളും 50,000 ത്തിലധികം ബുക്കിംഗുകളുമുണ്ടായി. ഇതില്‍ 5,000 ഡിജിറ്റല്‍ പ്ലാറ്റ്‌ഫോമിലും 45,000 നിസാന്‍ ഡീലര്‍ഷിപ്പുകളില്‍ ഓണ്‍-ഗ്രൗണ്ട് ബുക്കിംഗിലൂടെയും ആയിരുന്നു. ഈ ബുക്കിംഗുകളില്‍ ഏകദേശം 15% സിവിടി മോഡലുകളിലായിരുന്നു. അവയില്‍ 60 ശതമാനം ടോപ്പ് എന്‍ഡ് വേരിയന്റുകളായ എക്‌സ് വി, എക്‌സ് വി പ്രീമിയം എന്നിവയാണ്. അസംസ്‌കൃത വസ്തുക്കളുടെ വില വര്‍ദ്ധിച്ചതിനെത്തുടര്‍ന്ന് വിലയില്‍ മാറ്റം വരുത്തിയിട്ടും ഇതിനകം ബുക്ക് ചെയ്ത ഉപഭോക്താക്കള്‍ക്ക് എല്ലാ പുതിയ നിസ്സാന്‍ മാഗ്‌നൈറ്റിന്റെയും ഡെലിവറികള്‍ ബുക്കിംഗ് വിലയില്‍ ലഭിക്കുന്നുണ്ടെന്ന് ഉറപ്പാക്കുന്നു.